जेठ १८ देखि कतारमा नियमित उडान : थाहा पाउनुहोस् यी कुरा

 जेठ १६, २०७८ आइतबार १६:४२:१८ | उज्यालो सहकर्मी
unn.prixa.net

काठमाण्डौ – आउँदो जेठ १८ अर्थात् पर्सिदेखि कतारको लागि नियमित उडान खुल्ने भएका छन् । नेपाल सरकारको जेठ १३ गतेको निर्णय अनुसार कतारसहित चीन र टर्कीको लागि नियमित उडान सञ्चालन गरिने भएका हुन् । हप्तामा एक दिन मात्र नियमित उडान हुनेछन् ।

नेपाली श्रमिकको लागि कतार वैदेशिक रोजगारीको प्रमुख गन्तव्य देश हो । योसँगै वैदेशिक रोजगारीको लागि कतार जान रोकिएका नेपाली श्रमिक सहजै कतार जान पाउने भएका छन् । यस्तै कतारबाट फर्किन नपाएका नेपालीहरु पनि केही स्वास्थ्य मापदण्डका साथ सहजै स्वदेश फर्किन सक्ने छन् । यसरी अन्तर्राष्ट्रिय उडानमार्फत नेपाल आउने यात्रुका लागि विभिन्न सर्त तोकिएका छन् । 

संस्कृति पर्यटन तथा नागरिक उड्डयन मन्त्री भानुभक्त ढकालका अनुसार, दुवै खोप लगाएको र कोरोना परीक्षणमा नेगेटिभ रिपोर्ट लिएर आएकाहरूलाई १० दिन होम क्वरेण्टीनमा बस्ने सर्तमा आफ्नो घर जान दिइने छ । कसैले एउटा मात्र खोप लगाएको छ र पीसीआर परीक्षण नेगेटिभ छ भने विमानस्थलबाट काठमाडौंका कुनै होटलमा तीन दिन क्वरेण्टीन बस्नुपर्नेछ । तीन दिन पछि परीक्षण गर्दा कोरोना नेगेटिभ आएमा यात्रु सम्बन्धित गन्तव्यमा जान पाउनेछन् । होटल क्वरेण्टीन खर्च भने आफैंले  बेहोर्नुपर्नेछ ।

एउटा पनि खोप नलगाएको तर पीसीआर रिपोर्ट नेगेटिभ लिएर आएका यात्रुले भने १० दिनसम्म होटेल क्वरेण्टीनमा आफ्नै खर्चमा बस्नुपर्नेछ । त्यसपछि परीक्षण गर्दा रिपोर्ट नेगेटिभ आएमा घर जान पाइनेछ । 

यस्तै नेपालबाट कतार जानेकाे लागि पनि अनिवार्य क्वरेण्टीनकाे प्रावधान छ । कतार सरकारले नेपाल, भारत, बंगलादेश, पाकिस्तान श्रीलङ्का र फिलिपिन्सबाट कतार प्रवेश गर्नेहरुलाई अप्रिल २९ देखि अनिवार्य क्वरेण्टीनको नियम लागु गरेको छ । यी देशबाट कतार प्रवेश गर्नेलाई १० दिन होटल क्वरेण्टीन वा १४ दिन मेकाइनिस क्वरेण्टीन बस्नुपर्ने छ । यस्तै यी देशबाट कतार प्रवेश गर्दा तोकिएको स्वास्थ्य केन्द्रबाट पीसीआर परीक्षण गरिएको ४८ घण्टा अघिको रिपोर्ट साथमा राख्नुपर्ने कतारमा रहेको नेपाली दूतावासले जनाएको छ । यो प्रावधान कतारमा कोरोना विरुद्धको खोप लगाइसकेका व्यक्तिको हकमा समेत लागु हुने छ ।

के छ कतारको अवस्था ?

कतार जाने भएपछि कतारको अवस्था बुझेर गए सजिलो हुन्छ । पछिल्लाे समय कतारमा काेराेनाकाे जाेखिम केही घटेकाे छ । याेसँगै अहिले कतारमा कोरोनाका कारण केही समय पहिलेदेखि गरिएका केही प्रतिबन्धहरु खुकुलो पारिएको छ । 

घरबाहिर (आउट डोर) दश जना जति भेला हुन दिइएको छ । बाहिर निस्किँदा सबैले मास्क अनिवार्य लगाउनुपर्ने नियम छ । यस्तै कुनै कार्यक्रममा भेला हुन तथा जमघटमा जान कोरोनाविरुद्धको खोप अनिवार्य लगाएको हुनुपर्ने छ । घरभित्र पनि ५ जना भन्दा बढी भेला नहुन भनिएकाे छ । त्यो पनि सबैले कोरोनाको खोप लगाएको हुनुपर्छ । 

बाहिर हिँड्दा अनिवार्य रुपमा मास्क लगाउन भनिएको छ । आफ्नो निजी साधनमा भए पनि मास्क अनिवार्य गरिएको छ । यस्तै सिनेमा तथा थिएटरहरु आफ्नो कुल क्षमताको ३० प्रतिशत जति मानिस राखेर सञ्चालन हुन थालेका छन् । स्वास्थ्य मापदण्ड ताेकेर पार्कहरु खुल्ला गरिएका छन् । तर यहाँ जानको लागि कोरोना विरुद्धको खोप लगाएको प्रमाण अनिवार्य रुपमा हुनुपर्ने छ । यस्तै संग्राहलय तथा सार्वजनिक पुस्तकालयहरु पनि खुलाइएका छन् । 

यस्तै मेट्रो सहित सार्वजनिक यातायातका साधनहरु पनि क्षमताको ३० प्रतिशत जति मात्रै यात्रु राखेर सञ्चालन भइरहेका छन् । तर यातायातभित्र धुम्रपान गर्ने क्षेत्र भने बन्द छन् भने खानाखान  प्रतिबन्ध छ । शैक्षिक क्षेत्र तथा निजी तालिम केन्द्रलाई पनि आफ्नो क्षमताको ३० प्रतिशत जति मात्रै मानिस राखेर सञ्चालन गर्न दिइएको छ । जीम, ब्युटिपार्लर, सैलुन लगायतका व्यवसाय सुरक्षा मापदण्ड पूर्ण पालना गरेर सञ्चालन गर्न दिइएको छ । सेवाग्राही र कामदार सबैले अनिवार्य कोरोना विरुद्धको खोप लगाएको हुनुपर्छ ।

कतारको लागि उडान खुला गरे पनि खाडीका अरु देशमा उडान अझै खुलेका छैनन् । खाडीका देश बहराइन, कुवेत, यूएई र मलेसियाले त नेपालबाट हुने उडानमा समेत प्रतिबन्ध लगाएका छन् । यस्तोमा नेपालबाट गएका यात्रुलाई कुनै पनि देशमा ट्रान्जिट भएर ती देश प्रवेशमा पनि निषेध छ । यसकारण नेपाली यात्रुले मध्यपूर्वका देशमा प्रवेश गर्नको लागि कतार ट्रान्जिट बनाएर जान पाउने छैनन् । तर नियमित उडान बन्द भएका बेलामा पनि विभिन्न एअरलाइन्सले चार्डड उडान भने गरिरहेका छन् । 

बैशाख २३ गते मध्यरातदेखि भारत बाहेक अन्य देशमा हुने अन्तर्राष्ट्रिय उडानमा सरकारले रोक लगाएको थियो ।

 


अन्तिम अपडेट: मंसिर ८, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

3 Comments

  • Suraj Kumar

    June 3, 2021, 1:57 a.m.

    अनि साउदी अरब चाहिँ खुलाउन नपर्ने हो र? फेरि साउदिले नेपाल लाई हवाइ प्रतिबन्ध पनि लगाएको छैन अनि म जस्ता कैयौं छुट्टी मा आएका साथीहरू काममा फर्किन साथै साउदीमा अलपत्र नेपाली स्वदेश फर्किन कहिले ब्यवस्था हुने हो सरकार ???

  •  0 Reply

  • Swarna Tamang

    May 30, 2021, 9:28 p.m.

    काठमाडौँ-दोहा, कतार को उडान पनि जून १, २०२१ बाट हुन्छ कृपया खबर पाउ ?

  •  0 Reply

  • तेज।बाहादुर।राउत

    May 30, 2021, 7:28 p.m.

    घरजानकोलागि।आमा।बितनुभाकोले।

  •  0 Reply

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

दुर्गा प्रसाईंलाई थुनामुक्त गर्न सर्वाेच्चद्वारा अस्वीकार

४

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई