कुवेतमा ३ हजारभन्दा धेरै विदेशी कामदारको सम्झौता रद्द, अवैधानिक कामदारलाई देश निकाला गरिंदै

भदौ ११, २०७५ सोमबार १७:२१:३६ | उज्यालो सहकर्मी

कुवेत – कुवेतले सार्वजनिक क्षेत्रमा काम गर्ने तीन हजारभन्दा धेरै विदेशी कामदारको सम्झौदा रद्द गरेको छ ।

कुवेतको सार्वजनिक क्षेत्रमा काम गर्ने विदेशी नागरिकको ठाउँमा कुवेतकै नागरिकलाई अवसर दिने उदेश्यले तीन हजार १ सय ४० जना विदेशी नागरिकको सम्झौता रद्द गरिएको कुवेतको सिभिल सर्भिस कमिसनलाई उद्धृत गर्दै गल्फ न्युजले जनाएको छ ।

सार्वजनिक क्षेत्रमा काम गर्ने विदेशी नागरिक धेरै भएकाले अब आफ्नै नागरिकलाई नै प्राथमिकता दिने कुवेत सरकारले नीति लिएको छ ।

त्यस्तै, कुवेतले अवैधानिक रुपमा बसिरहेका विदेशी नागरिकलाई देश निकाला गर्ने क्रम पनि तीव्र रुपमा अघि बढाएको छ । आफ्नो देशमा एक लाखभन्दा धेरै अवैधानिक कामदार रहेको कुवेतको अनुमान छ । त्यसमध्येमा पनि सबैभन्दा धेरै भारतीय नागरिक रहेको कुवेतले जनाएको छ ।

अवैधानिक रुपमा रहेका विदेशी नागरिक धेरैजसो घरेलु कामदारका रुपमा रहेका छन् । गएको जनवरीमा कुवेतले अवैधानिक रुपमा रहेका विदेशी नागरिकलाई कुवेत छाड्न आममाफीको समय दिएको थियो ।

त्यो समयमा विभिन्न देशमा दूतावासले आफ्ना कति नागरिकले कुवेत छाडे भन्ने तथ्याङ्क पनि दिएका थिए । तर आममाफीको समयमा पनि स्वदेश नफर्किएका विदेशी नागरिकलाई देश निकाला गर्न कुवेतले कदम अघि बढाएको हो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्