धादिङमा सामी परियोजना प्रभावकारी, कार्यक्रमलाई निरन्तरता दिने

असार २५, २०७८ शुक्रबार १२:१३:४४ | रामकुमार थापा

धादिङ – नीलकण्ठ नगरपालिकाका मेयर भीमप्रसाद ढुङ्गानाले सुरक्षित आप्रवासन परियोजना सामी कार्यक्रम धादिङमा प्रभावकारी भएको बताउनुभएको छ ।

बिहीबार वर्ष भरी भएका गतिविधिका बारेमा पत्रकारहरूसँग गरिएको अन्तरक्रिया कार्यक्रममा बोल्दै मेयर ढुङ्गानाले पालिकाको आफ्नै परियोजना भएको भन्दै धादिङमा सामीमार्फत भइरहेका गतिविधिहरू प्रभावकारी भएको बताउनुभएको हो ।

साथै, उहाँले परियोजना सञ्चालनका लागि केन्द्रबाट रकम आए पनि नआए पनि सुरक्षित वैदेशिक रोजगारीका लागि आउँदा दिनहरूमा पनि यो कार्यक्रमलाई नगरपालिकाले निरन्तरता दिने बताउनुभयो ।

नगरपालिकाले सामी परियोजनाले सञ्चालन गरेको गतिविधिहरूको विषयमा जानकारी गराउने उद्देश्यले पत्रकारसँग अन्तरक्रिया कार्यक्रमको आयोजना गरेको थियो ।

धादिङका पाँच वटा क्षेत्रमा वैदेशिक रोजगारलाई सुरक्षित र मर्यादित बनाउनको लागि परियोजना सञ्चालन भइरहेको छ ।

आप्रवासी श्रोत केन्द्रबाट वैदेशिक रोजगारको विषयमा जानकारी गराउने, वैदेशिक रोजगारको सिलसिलामा ठगीमा परेकाहरूलाई न्यायमा पैरवी र सहजीकरण गर्ने, वैदेशिक रोजगारीमा जाने तयारीमा रहेकालाई निःशुल्क सीपको तालिमका लागि समन्वय गर्ने काम भइरहेको छ ।

परियोजना अन्तर्गत वैदेशिक रोजगारबाट भित्रिएको रेमिट्यान्सको सही प्रयोगको लागि वित्तीय साक्षरता कक्षा सञ्चालन र वैदेशिक रोजगारको कारण उत्पन्न मानसिक समस्यालाई कम गराउनको लागि निःशुल्क मनोपरामर्श सेवा सञ्चालन भइरहेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

रामकुमार थापा

थापा धादिङको नीलकण्ठ नगरपालिकाकाे वरिष्ठ मनोविमर्शकर्ता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्