युएईले भिजिट र टुरिस्ट भिसामा कडाई गर्ने

भदौ १२, २०७५ मंगलबार १४:८:१९ | उज्यालो सहकर्मी

युएई – युएईले भिजिट र टुरिस्ट भिसामा कडाइ गर्ने भएको छ । भिजिट र टुरिस्ट भिसामा आएकाहरुले युएईको बसोबासको नियम उल्लङघन गरेको पाइएको भन्दै यस्तो भिसा जारी गर्न कडाइ गरिने युएईले जनाएको छ ।

युएईमा चलिरहेको आममाफीमा ठूलै अपराध गरेका कतिपय व्यक्तिहरु पनि सहभागी हुन आएको र त्यस्ता व्यक्ति भिजिट वा टुरिस्ट भिसामा युएई प्रवेश गरेको पाइएको छ । त्यस्ता व्यक्तिलाई आफ्नो देशमा प्रवेश गर्न नदिन युएईले भिजिट र टुरिस्ट भिसामा कडाई गर्न लागेको हो । ।

१ अगष्टदेखि ३१ अक्टोवर अर्थात गएको साउन १६ गतेदेखि आउँदो कात्तिक १४ गतेसम्म युएईले दिएको आममाफीको समयमा अवैधानिक रुपमा रहेका विदेशी नागरिकले वैधानिक बन्न वा स्वदेश फर्किन पाउनेछन् ।

आममाफीको समय झण्डै एक महिना बित्न लागेको छ । यो समयमा आममाफीमा सहभागी हुन आउनेमा ओभरस्टे भएका र काम खोज्न चाहने धेरैजसो भिजिट र टुरिस्ट भिसामै युएई प्रवेश गरेको पाइएको युएईले जनाएको छ ।

भिसा अवधिभन्दा धेरै समय बसेका कतिपय कामदारसँग स्वदेश फर्किन पैसा नभएकाले सम्बन्धित देशको दूतावाससँग हवाइ टिकटका लागि कुरा गरिने भएको छ ।

आममाफीको समयमा सहभागी नभए युएईमा अवैधानिक कामदारलाई गाह्रो

युएईले आममाफीको समय सकिएपछि कार्यस्थल र होस्टलमै गएर कामदारको अवस्था निरीक्षण गर्ने भएको छ । त्यसबेला अवैधानिक रुपमा रहेको भेटिएका व्यक्ति जेल पनि पर्न सक्छन् । किनकी युएईले आममाफीको समयपछि पनि अवैधानिक कामदार भेटिएमा पक्राउ गरेर जेल हाल्ने भएको छ ।

काम नपाइन सक्छ

युएर्इले कागजपत्र नभएका कामदारलाई काम लगाएमा रोजरदाताले पनि जरिवाना तिर्नुपर्ने नियम ल्याउने भएकाे छ ।

कागजपत्र नभएका एक एकदार बराबर ५० हजार दिर्हाम जरिवाना रोजगारदाताले तिर्न पर्नेछ । एक पटक कारबाहीमा परेका रोजगारदाताले फेरि पनि कागजपत्र नभएका कामदारलाई काममा लगाएमा दुईगुणा बढी अर्थात एक लाख दिर्हाम जरिवाना तिर्नुपर्ने छ । जरिवानाको डरले रोजगारदाताले काममा नलगाउन सक्छन् ।

आममाफी सुनौलो अवसर

युएईले विभिन्न कारणले अवैधानिक बन्न पुगेका वा कानून उल्लङघन गरेका कामदारलाई प्रत्येक पाँच वर्षमा आममाफीको अवसर दिँदै आएको जनाएको छ ।

धेरै कामदारले फाइदा लिन सकुन भन्ने उदेश्यले आबुधाबीमा थप केन्द्र पनि खुलाइएको छ । नयाँ खुलेको केन्द्रबाट चार सयदेखि पाँच सय जनाले सेवा लिन सक्नेछन् ।

यो केन्द्रमा भारत, पाकिस्तान, बंगलादेश, फिलिपिन्स र श्रीलंकाको दूतावासका प्रतिनिधि पनि हुने भएकाले यी देशका कामदारले आवश्यक सहयोग पनि पाउन सक्नेछन् ।

यसैगरी टोल फ्रि नम्बर ८००८० मा सम्पर्क गरेर पनि आफ्ना समस्या राख्न सकिनेछ ।

आममाफीको समयको सक्दो सदुपयोग गर्न नेपाली दूतावास युएईले पनि आग्रह गरेको छ । यो समयमा अवैधानिक हैसियतलाई वैधानिक बनाउने तथा स्वदेश फर्किने विकल्प रोज्न सकिन्छ ।

यो पनि पढ्नुहोस्

परिवारलाई ‘सरप्राइज’ दिन युएईबाट फर्किंदै सापिया, नेपालीलाई पनि अवसर

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्