कोरोना महामारीकै बीच एक वर्षमा १ लाख ६६ हजार बढीले रोजे वैदेशिक रोजगारी

साउन १४, २०७८ बिहीबार १७:२:३१ | उज्यालो सहकर्मी

काठमाण्डौ – कोरोना महामारीकै बीच एक वर्षमा एक लाख ६६ हजार बढी नेपालीले वैदेशिक रोजगारीको लागि अन्तिम श्रम स्वीकृति लिएका छन् ।

विश्वका विभिन्न एक सय १६ देशमा रोजगारीमा जानको लागि आर्थिक वर्ष २०७७/०७८ मा मात्रै १ लाख ६६ हजार ६ सय ९८ जनाले श्रम स्वीकृति लिएका हुन् । जसमध्ये ७२ हजार ८१ जनाले पहिलोपटक श्रम स्वीकृति लिएको तथा ९४ हजार ६ सय १७ जनाले पुनः श्रम स्वीकृति लिएको विभागले जनाएको छ ।

विभागको तथ्याँक अनुसार एक लाख ५५ हजार दुईसय ४२ पुरुष र ११ हजार ४ सय ५६ महिलाले श्रम स्वीकृति लिएका हुन् ।

सबैभन्दा बढी कतार जानको लागि ५४ हजार ९१५, साउदीमा ४६ हजार ९६० र यूएई जानको लागि ४० हजार ४७७ जनाले श्रम स्वीकृति लिएका छन् । नेपालीहरु धेरै रोजगारीमा जानेमध्ये मलेसियामा कोरोना महामारीका कारण यो वर्ष रोजगार क्षेत्र बिथोलिएको छ । बाहिरी देशका नागरिकलाई प्रतिबन्ध लगाएको छ । वर्षभरि मलेसियामा एक हजार १३५ जनाले मात्र श्रम स्वीकृति लिएको विभागको तथ्याँकमा उल्लेख छ ।

यस्तै सबैभन्दा धेरै धनुषाबाट वैदेशिक रोजगारीमा गएका छन् । गएको आर्थिक वर्षमा धनुषाबाट १२ हजार ६ सय ८९ जनाले वैदेशिक रोजगारीको लागि श्रम स्वीकृति लिएका छन् । यस्तै सिराहाबाट ९ हजार ८ सय ८८, महोत्तरीबाट ८ हजार एक सय ८ र झापाबाट ७ हजार ४ सय ९० जनाले अन्तिम श्रम स्वीकृति लिएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

कोरोना महामारीकै बीच एक वर्षमा १ लाख ६६ हजार बढीले रोजे वैदेशिक रोजगारी

फाइल तस्बिर

तपाईको प्रतिक्रिया