वैदेशिक रोजगारी : एक वर्षमा १२ सय ४२ जनाको विदेशमै मृत्यु, झण्डै ७४ करोड आर्थिक सहायता

साउन १५, २०७८ शुक्रबार १६:२०:४६ | उज्यालो सहकर्मी

काठमाण्डौ – आर्थिक वर्ष २०७७/७८ मा वैदेशिक रोजगारीमा गएका १२ सय ४२ जनाको गन्तव्य देशमै ज्यान गएको छ । वैदेशिक रोजगार बोर्डको तथ्याँक अनुसार विभिन्न २७ देशमा १२ सय ४२ जनाको ज्यान गएको हो ।

ज्यान गुमाउनेको सङ्ख्या सबैभन्दा धेरै साउदी अरबमा रहेको छ । साउदीमा एक वर्षमा ३ सय ६२ जनाको ज्यान गएको छ । साउदीपछि ज्यान गुमाउने नेपालीको सङ्ख्या सबैभन्दा धेरै मलेसियामा रहेको छ । मलेसियामा १ महिला र २७९ पुरुष गरी २८० जनाको ज्यान गएको ।

मलेसियापछि ज्यान गुमाउनेको सङ्ख्या कतारमा रहेको छ । कतारमा २३७ पुरुष र २ जना महिला र २३९ जनाको ज्यान गएको छ भने यूएईमा १९६ पुरुष र १२ जना महिला गरी २०८ आठ जनाएको एक वर्षको अवधिमा ज्यान गुमाएका छन् ।

खाडीको अर्को देश बहराइनमा ३१ जना, कुवेतमा ५५ जना र ओमानमा ७ जनाको ज्यान गएको छ ।

झण्डै ७४ करोड आर्थिक सहायता

वैदेशिक रोजगारीमा ज्यान गुमाएका मृतक कामदारका परिवारलाई बोर्डले झण्डै ७४ करोड रुपैयाँ आर्थिक सहायता प्रदान गरेको छ । १२ सय १३ जना पुरुष र २९ महिला गरी १२ सय ४३ जना मृतक कामदारका परिवारलाई बोर्ड ७३ करोड ७७ लाख १५ हजार रुपैयाँ आर्थिक सहायता प्रदान गरेको हो ।

यस्तै अङ्गभङ्ग, गम्भीर बिरामी भएर फर्किएका १४३ जना कामदारलाई ७ करोड ३३ लाख २ हजार २ सय रुपैयाँ आर्थिक सहायता प्रदान गरेको छ भने बोर्डले मृतक कामदारको शव विमानस्थलदेखि घरसम्म पुर्‍याउनका लागि मात्रै १७ लाख ९४ हजार ९७६ रुपैयाँ खर्च गरेको छ । यो रकम ७७० मृतकको शव घरसम्म पुर्‍याउन खर्च भएको बोर्डले उल्लेख गरेको छ ।

१२२ शव झिकाउन समन्वय र सहयोगको लागि मात्रै बोर्डले ९० लाख ६७ हजार ८१० रुपैयाँ खर्च भएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

वैदेशिक रोजगारी : एक वर्षमा १२ सय ४२ जनाको विदेशमै मृत्यु, झण्डै ७४ करोड आर्थिक सहायता

फाइल फाेटाे

झण्डै ७४ करोड आर्थिक सहायता

तपाईको प्रतिक्रिया