‘इजरायलमा रोजगारीको लागि पठाइदिन्छु’ भन्ने कसैको प्रलोभनमा नपर्न विभागको आग्रह

साउन २१, २०७८ बिहीबार १२:०:२४ | उज्यालो सहकर्मी

काठमाण्डौ – वैदेशिक रोजगार विभागले कसैले इजरायलमा रोजगारीको लागि पठाइदिन्छु भन्याे भने त्यसको पछि नलाग्न आग्रह गरेको छ ।

इजरायलमा केयर गिभर छनोट गरी पठाउन नेपाल सरकारसँग आफ्नो सम्झौता भएको छ भन्दै सामाजिक सञ्जालमार्फत आवेदन दिने व्यक्तिहरुलाई प्रलोभनमा पारेको र भ्रम फैलाएको बारे आफ्नो ध्यानाकर्षण भएको विभागले जनाएको छ । पछिल्लो समय म्यानपावर कम्पनी, कन्सलन्टेन्सी, एजेन्सी लगायत व्यक्तिगत तवरमा पनि इजरायल पठाइदिन्छु भन्दै रकम पनि असुल्ने गरेको पाइएको भन्दै यसबारे विभागले सचेत गराएको हो ।

इजरायलको रोजगारी जीटूजीमार्फत अर्थात नेपाल सरकार र इजरायल सरकाबीचको सम्झौताअनुसार हुने भएकाले यसमा कुनै पनि निजी संस्था आबद्ध नरहेकाले त्यस्तो प्रलोभनमा नपर्न विभागले सूचीत गरेको हो ।

इजरायलकाे केयर गिभरकाे राेजगारीकाे लागि विभागले १२ मा नै आवेदन माग गरिसकेकाे छ । आवेदन माग भएकाे २१ दिनभित्र वैदेशिक रोजगार विभागको वेबसाइट https://ferms.dofe.gov.np/israel/login मा गएर अनलाइन आवेदन दिन सकिन्छ ।

अंग्रेजी भाषाको परीक्षाबाट छनौट भएकामध्येलाई अन्तर्वार्तामा बोलाइनेछ । अन्तर्वार्ताबाट पनि छनौट भएपछि रोस्टरमा नाम समावेश गरी कामदार छनोटका लागि इजरायल पठाइने र कामदार छनोट प्रक्रिया पूर्ण रुपमा निष्पक्ष हुने विभागले प्रष्ट पारेको छ ।

थप जानकारीकाे लागि यी समाचार पनि हेर्नुहाेस् :

इजरायलको रोजगारीका लागि आवेदन दिँदै हुनुहुन्छ ? यी कुरा थाहा पाउनुहोस्

इजरायल रोजगारी : अनलाइन आवेदन दिन समस्या भयो ? यसरी भर्नुहोस् फारम

इजरायलमा नेपाली श्रमिक र रोजगारदाताबीचको सम्बन्ध : ‘बुवा आमा र छोराछोरीको जस्तो’

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्