पहिरोले ४ घर बगायो, ५ घर उच्च जोखिममा

भदौ ५, २०७८ शनिबार १९:६:६ | माधवकुमार ओली

रोल्पा – शुक्रबार राति आएको वर्षाका कारण रोल्पाको सुनछहरी गाउँपालिका–१ बाछेममा पहिरोले चार वटा घर बगाएको छ ।

फुलिबनमा पहिरोको उच्च जोखिम भएपछि गएको वर्ष बाछेममा सारिएको नयाँ बस्तीमा पनि पहिरो गएको हो । पहिरोले रणबहादुर घर्ती, टेकमाला घर्ती, गजमा घर्ती र मनपुरा घर्तीको घर बगाएको इलाका प्रहरी कार्यालय पोबाङका इञ्चार्ज सूर्यलाल गुरुङले जानकारी दिनुभयो । यस्तै अन्य पाँच वटा घरमा पनि आंशिक रुपमा क्षति पुग्नुका साथै उच्च जोखिममा रहेको प्रहरीले जनाएको छ । दिलबहादुर घर्ती, चिमा घर्ती, धनमाला घर्ती, बिजयी घर्ती र दलबहादुर घर्तीको घर उच्च जोखिममा रहेको छ ।

पहिरोले नयाँ बस्ती उच्च जोखिमा रहेकाले रातको समयमा सबै सुरक्षित ठाउँमा थिए । त्यसैले मानवीय क्षति हुन नपाएको सुनछहरी गाउँपालिका–१ का वडाध्यक्ष महावीर रानाले बताउनुभयो ।

प्रदेश सरकारको १५ करोड रुपैयाँ लगानीमा फुलिवनबाट ४० घर परिवारलाई बाछेमको नयाँ बस्तीमा सारिएको थियो । नयाँ बस्ती पनि पहिरोले बगाएपछि प्रदेश सरकारको लगानी बालुवामा पानी भएको छ । गाउँपालिकाको अन्य ठाउँमा पनि पहिरोको जोखिम भएकाले त्यस ठाउँमा नयाँ बस्ती राखिएको गाउँपालिका अध्यक्ष आशबहादुर पुनको भनाइ छ । भूगर्भविद् र स्थानीयको सुझावलाई नमानेर त्यस ठाउँमा बस्ती बसाल्दा अहिले यो अवस्था आएको स्थानीयको गुनासो छ ।

यस्तै पहिरोले सडक बगाउँदा सुलिचौर–थबाङ सडक पूर्णरुपमा अवरुद्ध भएको छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

माधवकुमार ओली

रोल्पाका पत्रकार माधवकुमार ओली उज्यालोका जिल्ला सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्