म्याग्दीमा बाढी–पहिरोबाट ६० जना विस्थापित

भदौ १४, २०७८ सोमबार २०:२४:४० | प्रताप बानियाँ

म्याग्दी – निरन्तरको वर्षासँगै बाढी र पहिरोमा परेर म्याग्दीको विभिन्न ठाउँमा तीन जना घाइते भएका छन् भने ६० जना विस्थापित भएका छन् । हिजो आइतवार राति कालीगण्डकी नदीको बाढीले सदरमुकाम बेनीबजारमा रहेको कालीपुलमा घर बगाउँदा तीन जना घाइते भएका हुन् ।

घाइते हुनेमा कालीपुल बस्दै आएका गोविन्दबहादुर बुढा, रेखा नेपाल र सन्तु पूर्जा रहेको जिल्ला प्रहरी कार्यालय म्याग्दीले जनाएको छ ।

वर्षाका कारण सडकभन्दा माथिबाट ठूलो ढिस्कोसहितको पहिरो कालीगण्डकी नदीमा खसेर बाढी बस्तीतर्फ पसेपछि कालीपुलका ६ वटा घरमा क्षति पुगेको छ । बाढीका कारण कालीपुलका राजेन्द्र गुरुङ, क्षेत्रबहादुर गौचन, सुरेश राम्जाली, ताराप्रसाद पुन, युमाया पुन र धर्मदत्त थापाको टिनको छाप्रो (टहरा) मा क्षति पुगेको प्रहरी निरीक्षक गुरुङले बताउनुभयो ।

बाढीका कारण विस्थापित परिवारलाई अहिले कालीपुलमा रहेको कबर्डहलमा सारिएको प्रहरीले जनाएको छ ।

यसैबीच वर्षाकै कारण पहिरो खसेर बन्द भएको पश्चिम म्याग्दी हुँदै जलजला–ढोरपाटन भएर रुकुम जोड्ने बेनी–दरबाङ सडक सञ्चालनमा आएको छ । यस खण्डको बेनी नगरपालिका ४ घुमाउने भिर तथा मालिका ६ दरबाङको बाङ्गे पहिरो भन्ने ठाउँमा खसेको पहिरो पन्छाएपछि सडक खुलेको प्रहरीले जनाएको छ ।

उत्तरी म्याग्दी हुँदै मुस्ताङलाई जोड्ने राष्ट्रिय राजमार्ग बेनी–जोमसोम सडक भने वर्षाका कारण पहिरो खसेर बन्द भएको छ । बेनी–बाग्लुङ सडक खण्ड पनि भसभसे र रानीवनको पहिरोले बन्द भएको प्रहरीको भनाइ छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्