विदेशबाटै पासपोर्ट नवीकरण गर्दै हुनुहुन्छ ? चाहिन्छ यी कागजात

असोज १४, २०७८ बिहीबार १४:४०:५४ | उज्यालो सहकर्मी

काठमाण्डौ – तपाईँ वैदेशिक रोजगारीमा हुनुहुन्छ र पासपोर्टको म्याद सकिएको छ ? अहिले त विदेशमा रहेको नेपाली दूतावासबाटै आफ्नो पासपोर्ट नवीकरण गर्न सकिन्छ ।

आवश्यक प्रक्रिया पूरा गरेर पासपोर्ट नवीकरणका लागि दूतावासमा निवेदन दिन पर्छ । पासपोर्ट बनेर नेपालबाट गएपछि दूतावासबाटै लिन सकिन्छ ।

पासपोर्ट नवीकरणका लागि दूतावास जानुअघि नै अनलाइनमार्फत आफ्नो विवरण भरी प्राप्त हुने बारकोडसहितको फारमको प्रिन्ट लिएर जाँदा हुन्छ । अति आवश्यक अवस्थामा दूतावासले पनि यस्तो फारम भर्न सघाउँछ । तर आफैँले दूतावास जानुअघि नै फारम भरेर गएमा काम सजिलो र छिटो हुन्छ ।

नागरिकताको प्रतिलिपिको एक प्रति पनि साथमा लैजानुपर्छ ।

सक्कल पासपोर्ट र पासपोर्टको प्रतिलिपि फोटो भएको पेजसहितको चाहिन्छ ।

यदि तपाईँ कतारमा हुनुहुन्छ र कतारमा तपाईँको पासपोर्ट हराएको छ भने कतार प्रहरीबाट जारी प्रहरी रिपोर्टको सक्कल र प्रतिलिपि चाहिन्छ । हिजो आज पासपोर्ट नवीकरण गर्दा अनलाइन लाइभ इन्रोलमेन्ट हुने हुँदा दूतावासमा नै फोटो खिच्न पाइन्छ । साथमा फोटो ल्याइरहन पर्दैन ।

नवीकरण शुल्क पनि तिर्न पर्छ ।

अन्तिम अपडेट: मंसिर १६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्