डोटीमा दुई दिनदेखि फोन सेवा र बिजुली बन्द

 कात्तिक २, २०७८ मंगलबार १९:१९:११ | विमल बिष्ट
unn.prixa.net

साङ्केतिक तस्बिर

डोटी – दुई दिनदेखिको वर्षाका कारण डोटीमा फोन र विद्युत् सेवा बन्द भएको छ । डोटीमा वितरण गरिएको ३३ केभीए प्रसारण लाइनमा रुख परेका कारण विद्युत् सेवा बन्द भएको डोटी साना जलविद्युत् कार्यालय दिपायलले जनाएको छ । विद्युत् सेवा बन्द भएसँगै सञ्चारमाध्यमका साधन पनि बन्द भएका छन् । 

विद्युत् नभएका कारण नेपाल टेलिकमका ल्यान्ड लाइन र एफटीटीएच (नेट) सेवा पनि बन्द भएको जिल्ला प्रहरी कार्यालयको सञ्चार शाखाले जनाएको छ । विद्युत् सहित नेट सेवा दुई दिनदेखि बन्द भएपछि यहाँका सञ्चारकर्मीले समाचार सम्प्रेषण गर्न नपाएका र जिल्लामा रहेका केही एफएम रेडियो पनि बन्द भएका घण्टेश्वर एफएम बुडरका स्टेशन म्यानेजर शिव ओलीले बताउनुभयो । 

जिल्ला नै सञ्चार सम्पर्कविहीन भएका कारण बाढी–पहिरोका कारण कुन ठाउँमा के–कति क्षति भयो भन्नेबारेमा जानकारी लिन समस्या भएको प्रमुख जिल्ला अधिकारी शंकरबहादुर विष्टले बताउनुभयो । तीन दिनदेखिको वर्षाका कारण डोटीका विभिन्न ठाउँमा पहिरो गएको खबर आएको जिल्ला प्रहरी कार्यालयका सह–प्रवक्ता तथा प्रहरी निरीक्षक .इन्स्पेक्टर) रवीन्द्र चन्दले जानकारी दिनुभयो । 

वर्षापछि यहाँका नदीहरूमा पानीको बहाव बढेकाले नदी तथा तटीय क्षेत्रमा बसोबास गर्ने नागरिकलाई सचेत राख्न तथा विपद् आइपरे उद्धारका लागि नेपाली सेना, नेपाल प्रहरी तथा सशस्त्र प्रहरीको टोलीलाई तयारी अवस्थामा राखिएको जिल्ला प्रशासन कार्यालयले जनाएको छ ।

वर्षाका कारण यहाँका किसानले काटेका धान पनि बाढीले बगाएको छ भने केही क्षेत्रका खेतमा पानीले पूरै धान डुबाएको छ ।   

अन्तिम अपडेट: मंसिर १२, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

विमल बिष्ट

विमल बिष्ट डोटीका उज्यालो सहकर्मी हुनुहुन्छ । 

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

चितवन राइनोजका समर्थकलाई निःशुल्क बस र खाजाको व्यवस्था

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई