जलवायु परिवर्तन सम्बन्धी कोप–२६ सम्मेलन लम्बियो

कात्तिक २७, २०७८ शनिबार ११:४:३४ | उज्यालो सहकर्मी

काठमाण्डाै - स्कटल्यान्डको ग्लास्गोमा चलिरहेको जलवायु परिवर्तनसम्बन्धी संयुक्त राष्ट्र सङ्घीय सम्मेलन कोप–२६ लम्बिएको छ ।

सम्मेलनमा घोषणापत्रको अन्तिम मस्यौदा तयार पार्ने काम भइरहेको छ । मस्यौदा तयार पार्न भइरहेका वार्ता र छलफलका कारण सम्मेलन लम्बिएको बीबीसीले जनाएको छ । यसअघि तय भएको मिति अनुसार नोभेम्बर १२ मा सम्मेलन सकिनुपर्ने थियो ।

गएको कार्तिक १४ गते अर्थात अक्टोबर ३१ तारिखमा सम्मेलन उद्घाटन भएको थियो । कोप–२६ लाई सन् २०१५ मा भएको पेरिस सम्झौतापछिको महत्त्वपूर्ण सम्मेलनको रुपमा हेरिएको छ । नेपालसहित अतिकम विकसित देशले कोप–२६ मा जलवायुजन्य नोक्सानी तथा हिमाली क्षेत्रमा देखिएका परिवर्तन र यसको समाधानबारे आवाज उठाएका छन् ।

कोप–२६ मा सहभागी देशहरूले सन् २०३० सम्म मिथेन उत्सर्जन ३० प्रतिशतले कम गर्ने प्रतिबद्धता जनाएका छन् । जलवायु परिवर्तनसम्बन्धी संयुक्त राष्ट्र सङ्घीय सम्मेलन अर्को वर्ष इजिप्टमा हुने भएको छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्