जाजरकाेट बस दुर्घटनामा ज्यान गुमाउनेकाे सङ्ख्या ६ पुग्याे

मंसिर १२, २०७८ आइतबार १९:५७:५८ | बालकुमार शर्मा

जाजरकाेट – जाजरकोटमा हिजाे शनिवार राति भएको बस दुर्घटनामा ज्यान गुमाउनेको सङ्ख्या ६ पुगेको छ । कुशे गाउँपालिका ९ का वीरबहादुर नेपालीको उपचारका क्रममा ज्यान गएसँगै ज्यान गुमाउनेको सङ्ख्या ६ पुगेको जिल्ला प्रहरी कार्यालय जाजरकोटले जनाएको छ ।

नलगाड नगरपालिका ३ का शेरबहादुर नेपाली, सप्तरीको राजविराज नगरपालिका १ का गंगाराम यादव, जाजरकोटको कुसे गाउँपालिका ९ की अनिला नेपाली, पश्चिम रुकुमको आठबीसकोट नगरपालिका ४ की कन्या मल्ल शाही र उहाँकी चार वर्षीया छोरी दिव्याको घटनास्थलमै ज्यान गएको थियो ।

नेपालगञ्जबाट रुकुम पश्चिमको आठबीसकोट नगरपालिकाको राडी बजारका लागि छुटेको ना ६ ख २७५७ नम्बरको बस हिजाे राति जाजरकोटको भेरी नगरपालिका १३ बराहचौर नजिकै दुर्घटना भएको हो । बसमा ३२ जना यात्रु रहेका थिए ।

दुर्घटनामा घाइते भएका २६ जनामध्ये पाँच जनालाई उपचारका लागि हेलिकप्टर र नौ जनालाई एम्बुलेन्समार्फत नेपालगञ्ज लगिएको जाजरकोटका प्रहरी नायब उपरीक्षक मधुकुमार थापाले जानकारी दिनुभयो । १२ जना स्वास्थ्य केन्द्रमा उपचारपछि डिस्चार्ज भएका छन् ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

बालकुमार शर्मा

बालकुमार शर्मा जाजरकोटका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्