हिमपात पछिको सोलुखुम्बु (फोटो फिचर)

पुष १६, २०७८ शुक्रबार १३:५३:५० | सुवास दर्नाल

सोलुखुम्बु - गएकाे शनिवारदेखि बिहीवारसम्म निरन्तर परेको हिमपातका कारण सोलुखुम्बु सेताम्मे भएकाे छ।

साेलुखुम्बुकाे माथिल्लो क्षेत्रमा ३ फिटसम्म र सदरमुकामसहित पत्ताले क्षेत्रमा एकदेखि डेढ फिटसम्म हिउँ जमेको स्थानीयले बताएका छन् ।

करिब ५/६ दिनको हिमपात पछि साेलुखुम्बुमा आज घाम लागेको छ। घाम लागेसँगै वरिपरिका डाँडा पाखाहरु चाँदीझैँ टलक्क टल्किएका छन्।

टलक्क टल्किएको हिउँले वरिपरिको वातावरणलाई मनमोहक बनाएको छ । जिल्लाका कच्ची सडकहरु भने हिउँका कारण हिलाम्मे भएका छन् । सडक हिलाम्मे भएसँगै गाडी आवतजावतमा समस्या आएकाे छ ।

पत्ताले क्षेत्रको सडकमा बाक्लो हिउँ जम्दा जिल्ला भित्रिने तथा बाहिरिने गाडीहरु रोकिएका छन् ।

हिउँ परेपछि बन्द भएका विद्यालयहरु खुलेसँगै विद्यार्थीहरु आजदेखि विद्यालय जान थालेका छन् । कृषकहरु पनि आज बिहानैदेखि वस्तुभाउलाई घाँसपात गर्ने र बारीको काममा बिहानैदेखि व्यस्त देखिएका छन् ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्