ताप्लेजुङ आगलागी : ७० लाख रुपैयाँ बराबरकाे क्षति भएकाे प्रारम्भिक तथ्याङ्क

फागुन २७, २०७८ शुक्रबार १८:५:६ | केशवप्रसाद भट्टराई

ताप्लेजुङ – ताप्लेजुङको सदरमुकाम फुङ्लिङ बजारमा आज शुक्रवार बिहान भएको आगलागीबाट झन्डै ७० लाख रुपैयाँ बराबरको क्षति भएको प्रारम्भिक तथ्याङ्क आएको छ ।

आगलागीमा परेर एक जनाको ज्यान गएको छ । आगलागीबाट घाइते भएकी ६७ वर्षीया चुलीमाया लिम्बूलाई जिल्ला अस्पताल पु¥याउनासाथ ज्यान गएको हो । यस्तै आगलागीमा परेर १६ वर्षीया रेविना लिम्बू सामान्य घाइते हुनुभएको छ ।

आगलागीका कारण दुई घर जलेको छ । ती दुई घरमा डेरा गरी बस्नेसहित सात परिवारका २३ जना विस्थापित भएका प्रमुख जिल्ला अधिकारी महेशकुमार पोखरेलले बताउनुभयो ।

फुङ्लिङ बजारको कोप्चे डाँडालाइनका रविन आङ्बुहाङ लिम्बूको कच्ची घरबाट बिहान साढे ८ बजेतिर आगो सल्किन सुरु भएको थियो । आगलागीबाट नजिकै रहेको सङ्गीता मादेन लिम्बूको घर पनि जलेर नष्ट भएको छ भने आङ्बुहाङकै पक्की घरमा केही क्षति पुगेको छ ।

आगलागीको कारण अहिलेसम्म खुलेको छैन । फुङ्लिङ नगरपालिकाको वारुणयन्त्र (दमकल) को प्रयोगसहित नेपाल प्रहरी, सशस्त्र प्रहरी, नेपाली सेना र स्थानीयवासीको सहयोगमा आगो डेढ घण्टापछि निभाइएको जिल्ला प्रहरी कार्यालयले जनाएको छ ।

आगालागी पीडितलाई राहत वितरण

नेपाल रेडक्रस सोसाइटी ताप्लेजुङ शाखाले विभिन्न भाँडासहितका सामग्री सहयोग गरेको छ । यस्तै उद्योग वाणिज्य सङ्घले चामल, नुन, तेललगायतका सामाग्री वितरण गरेको छ । आगलागीबाट विस्थापित सात परिवारलाई राहत वितरण गरिएको नेपाल रेडक्र सोसाइटी ताप्लेजुङका सभापति इन्द्रबहादुर गुरुङले बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्