मुख्यमन्त्री र मन्त्रीहरु संविधान दिवसको विरोधमा, कर्मचारीहरुले रुख रोपेर मनाए

असोज ३, २०७५ बुधबार १३:५८:४१ | शैलेन्द्र महतो

धनुषा – प्रदेश नं. २ मुख्यमन्त्री तथा मन्त्रिपरिषद कार्यालयका कर्मचारीहरुले संविधान दिवस मनाएका छन् ।

प्रदेश सरकारका मुख्यमन्त्री तथा मन्त्रीहरु संविधानको विरोधमा केही पनि कार्यक्रम नगरेपछि मुख्यालयमा कर्मचारी र सुरक्षा प्रमुखहरुले वृक्षारोपण गरी संविधान दिवस मनाएका हुन् ।

प्रदेश २ का मुख्य सचिव राजेश्वरमान सिंहको नेतृत्वमा कर्मचारीहरुले प्रदेश २ मन्त्रालयहरु रहेको जनकपुर चुरोट कारखानाको परिसरमा वृक्षारोपण तथा एकआपसमा शुभकामना आदान–प्रदान गरेर संविधान दिवस मनाएका हुन् । सुरक्षा निकायका प्रमुखहरुको समेत उपस्थितिमा कर्भड हलको मैदानमा वृक्षारोपणको साथै शुभकामना अदान–प्रदान कार्यक्रम गरिएको सिंहले बताउनुभयो । यद्यपि प्रदेश २ का कुनै पनि मन्त्रीहरु भने कार्यक्रममा सहभागी भएनन् ।

प्रदेश २ को सत्तारुढ दल संघीय समाजवादी फोरमले प्रदेश २ मा आज कालो दिवस मनाउने भने पनि केन्द्रको निर्देशनले उनीहरु गौण छन् भने सत्ता साझेदारकै अर्को घटक राष्ट्रिय जनता पार्टी नेपालले भने प्रदेश २ मा कालो दिवस मनाइरहेको छ ।

आज असोज ३ गतेलाई संविधान दिवस मनाउन संघीय सरकारले सातवटै प्रदेशमा राष्ट्रिय दिवसका रुपमा मनाउन परिपत्र गरे पनि प्रदेश २ सरकारले भने कुनै मतलब गरेन ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्