म्याग्दीको धवलागिरी गाउँपालिका अध्यक्ष र उपाध्यक्षमा गठबन्धन विजयी

जेठ ३, २०७९ मंगलबार ९:३५:१६ | प्रताप बानियाँ

म्याग्दी – पश्चिम म्याग्दीको धवलागिरि गाउँपालिकामा सत्तापक्षीय गठबन्धन विजयी भएको छ । गाउँपालिकाको अध्यक्षमा विजयी हुनुभएका नेपाली कांग्रेसका उम्मेदवार प्रेमप्रसाद पुनले ३ हजार १ सय २३ मत ल्याउनुभएको हो । उहाँका निकटतम प्रतिस्पर्धी नेकपा एमालेका थमसरा पुनले २ हजार ५ सय ४८ मत पाउनुभएको छ ।

यसैगरी पालिकाको उपाध्यक्षमा पनि सत्तापक्षीय गठबन्धनबाट नेकपा माओवादी केन्द्रका रेशम पुनले २ हजार ८ सय १२ मत ल्याएर विजयी हुनुभएको सहायक निर्वाचन अधिकृत पूर्णबहादुर खत्रीले जानकारी दिनुभयो । उहाँका निकटतम प्रतिस्पर्धी एमालेका प्रगति कार्कीले २ हजार ६ सय १८ मत पाउनुभएको उहाँले बताउनुभयो ।

जम्मा ७ वटा वडा रहेको धवलागिरीमा एमालेले ३, कांग्रेस र माओवादी केन्द्रले २/२ वडामा जित हासिल गरेका छन् ।

वडानम्बर १ गूर्जामा गठबन्धनबाट माओवादीका झकबहादुर छन्त्याल, २ लुलाङमा एमालेका अकप्रसाद विक, ३ मुनामा कांग्रेसका देवेन्द्र रोका, ४ मुदीमा एमालेका यामबहादुर घर्ती, ५ मल्कबाङमा कांग्रेसका अमर छन्त्याल, ६ मराङमा एमालेका राजाराम उपाध्याय र ७ ताकममा माओवादीका अशोक खत्री विजयी हुनुभएको निर्वाचन अधिकृतको कार्यालयले जनाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्