नेपालमै ठूला रोगहरुलाई नियन्त्रण गर्न सक्षम डाक्टरहरु छन् : मदनकृष्ण श्रेष्ठ

असोज ३, २०७५ बुधबार १७:१६:३८ | उज्यालो सहकर्मी

काठमाडौं – वरिष्ठ हास्यव्यंग्य कलाकार मदनकृष्ण श्रेष्ठ केही समयदेखि अस्पतालमा थिए । करिब ४ वर्षअघि उनको पार्किनसन्सको अप्रेसन गरिएको थियो ।

ठिक त्यही रोग पुनः देखिएपछि उनको दोस्रो पटक मष्तिस्कको सफल शल्यक्रिया भएको छ ।

काठमाडौंको माइतीघर नजिकै रहेको अन्नपूर्ण न्यूरो अस्पतालमा गत भदौ २८ गते भर्ना भएका थिए । डिप ब्रेन स्टुमुलेसन (डीबीएस) शल्यक्रियापछि उनी हिजो असोज २ गते घर फर्केका छन् ।

अस्पतालका डा. रेशा श्रेष्ठ र डा. बसन्त पन्तले शल्यक्रिया गरेका थिए । पार्किन्सन्स रोगबाट पीडित श्रेष्ठको चार वर्षअघि मस्तिष्कको बायाँतर्फ चिप्स राखिएकोमा अहिले शल्यक्रिया गरी दायाँ साइडमा पनि राखिएको हो । यस शल्यक्रियाले ८ वर्षसम्म काम गर्ने र त्यसपछि भने पुनः त्यसको ब्याट्री परिवर्तन गर्नुपर्ने बताइएको छ ।

शल्यक्रियापश्चात उनी पहिलेको तुलनामा निकै फुर्तिला देखिएका थिए । अस्पतालमा उपस्थित सबैलाई उनी आफैले हँसाइरहेका थिए । उनको त्यस अवस्थामा पनि देखिएको अटुट मुस्कानका कारण कसैलाई पनि उनि बिमारी भएको महसुुुुस नै हुँदैन थियो । उनी भनिरहेका थिए, ‘म बिरामी भएको छैन, शल्यक्रियापश्चात पहिलेको भन्दा झन तगडा भएको छु । मलाई त डिस्चार्ज भएकै दिन गीत रेकर्ड गराउन जान मन थियो तर किन यसरी आत्तिहाल्नु भनेर गइनँ ।’

उनको मस्तिष्कको बायाँतर्फ राखिएको चिप्सले शरीरको दायाँ भाग चल्ने गरेको छ । तर बायाँतर्फ पनि समस्या आएपछि अहिले दायाँतर्फ चिप्स राखिएको हो । अब भने दायाँ भागमा राखिएको चिप्सले बायाँतर्फ र बायाँ भागमा राखिएको चिप्सले दायाँतर्फको काम गर्छ ।

पार्किन्सन्स नियन्त्रणका लागि उनको दिमागमा राखिएको पेसमेकरमा अर्को तार पनि जोडिएको छ । श्रेष्ठ ९ वर्षदेखि पार्किन्सन्सबाट पीडित छन् । यो शल्यक्रिया नेपालमै पहिलोपटक श्रेष्ठमा गरिएको बताइएको छ ।

श्रेष्ठ भन्छन्, ‘नेपाल स्वास्थ्य क्षेत्रमा धेरै अघि बढिसकेको छ । हामीलाई हामैै्र देशको स्वास्थ्य संस्थासँग विश्वास नभएर मात्र विदेश जाने हो तर अवसर पाए नेपाल मै ठूला रोगहरुलाई नियन्त्रण गर्न सक्षम डाक्टरहरु छन् । उदाहरणका निम्ति मेरै रोग हेरौँ । मैले दुवै पटकको शल्यक्रिया यहीँ गरेको हूँ र म सफल भइसकेँ ।’

मह जोडीले निर्माण गर्न लागेको चलचित्र दालभात तरकारी मा मदनकृृष्ण श्रेष्ठको मुख्य भूमिका रहने छ । केही समयको आराम श्चात त्यसै चलचित्रको तयारीमा लाग्ने श्रेष्ठको भनाई रहेको छ ।

-उज्यालाे र गफगाफ डटकमकाे सहकार्यमा

अन्तिम अपडेट: मंसिर २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्