कर्मचारी छनौटमा आफूलाई नपारेको भन्दै स्वास्थ्यचौकीमा तालाबन्दी

असोज ४, २०७५ बिहीबार २०:३३:३५ | जयराज अवस्थी

बैतडी - बैतडीको पुर्चाैंडी नगरपालिका वडा नं–९ मा रहेको तल्लादेही स्वास्थ्यचौकीमा तालाबन्दी गरिएको छ ।

स्वास्थ्यचौकीमा सञ्चालनमा आउने तयारी भएको प्रयोगशालाका लागि नगरपालिकाले कर्मचारी छनौटमा आफूलाई नपारेको भन्दै त्यहाँका केही स्थानीयले स्वास्थ्यचौकीमा तालाबन्दी गरेको तल्लादेही स्वास्थ्यचौकीका इन्चार्ज हेमन्त साउदले जानकारी दिनुभयो ।

नगरपालिकाले ल्याब असिष्टेन्टका लागि दरबन्दी आह्वान गरेको र त्यस दरबन्दीमा स्थानीयलाई छनौट नगरेर बाहिरको मान्छे छनौट गरेको भन्दै ल्याब असिटेन्टका उम्मेदवार लोकेश कुमार भण्डारी र उनका सहयोगीले तालाबन्दी गरेको उहाँले बताउनुभयो ।

स्वास्थ्यचौकीमा दिउँसो १२ बजेतिर तालाबन्दी गरिएपछि कुनै सेवा प्रवाह गर्न नसकिएको इन्चार्ज साउदले बताउनुभयो ।

यता नगरपालिकाका उपप्रमुख जानकी बमले त्यहींका स्थानीयको आवेदन परे पनि आवश्यक कागजात नपुगेकोले नगरपालिकाले स्थानीयलाइ ल्याब कर्मचारीको रुपमा राख्न नसकेको प्रष्ट पार्नुभयो ।

नगर उपप्रमुख बमले नपरपालिका भित्रैको मान्छेलाइ कर्मचारीको रुपमा छनोट गरिएको बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्