मकवानपुरगढीको सामरी खोलामा भइरहेको दोहन रोकियो, उत्खननमा प्रयोग भएका एक्स्काभेटर निकालियो

जेठ २९, २०७९ आइतबार १६:३६:३ | हरि हुमागाईं

मकवानपुर – मकवानपुरगढी गाउँपालिकाको वडा नम्बर ५ र ६ मा पर्ने सामरी खोलामा भइरहेको दोहन आज आइतवार बिहानदेखि रोकिएको छ । गाउँपालिका कार्यालयका कर्मचारीको मिलेमतोमा सामरी खोलाको ठाउँ–ठाउँमा दोहन भइरहेको थियो ।

क्रसर उद्योगका तर्फबाट खोला उत्खनन गर्न प्रयोग भएका एक्स्काभेटर पनि निकालिएको छ । उज्यालो अनलाइनमा समाचार प्रकाशित भएपछि तीन दिनदेखिको खोला दोहन रोकिएको हो । गाउँपालिकाका लागि राजस्व सङ्कलन गर्ने उद्देश्यले उत्खनन गरिएको र आजदेखि काम रोकिएको गाउँपालिकाका प्रमुख प्रशासकीय अधिकृत रामकुमार पुडासैनीले बताउनुभयो । असार नजिकिएसँगै बिहानको झिसमिसेदेखि बेलुकी अबेरसम्म खोला खन्न थालिएको थियो ।

मकवानपुरगढी गाउँपालिका वडा नम्बर–५ र ६ मा पर्ने सामरी खोलामा वर्षाैँदेखि नवीकरणसमेत नभएका क्रसर उद्योग र बालुवा उद्योगहरूले गएको वर्षकै ग्राभेल उत्खनन गरेको एक करोड रुपैयाँ बुझाउन बाँकी छ । पहिलेकै रकम बाँकी भइरहेको समयमा फेरि तिनै क्रसर उद्योगलाई पोस्ने गरी सामरी खोलामा बाढी आइरहेकै समयमा पनि एक्स्काभेटर लगाएर उत्खनन गरिएको विषयमा स्थानीयवासीले गुनासो गरेका थिए ।

पैसा नतिर्ने क्रसर उद्योगलाई फेरि पनि पोस्ने गरी गाउँपालिकाका राजस्व शाखाका कर्मचारीले सेटिङ गरेर फेरि पनि खोलाबाट ग्राभेल उत्खनन गर्न दिइएको थियो । समाचार प्रकाशित भएपछि चौतर्फी दबाबका कारण खोला उत्खननको काम रोकिएको हो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मकवानपुरगढीको सामरी खोलामा भइरहेको दोहन रोकियो, उत्खननमा प्रयोग भएका एक्स्काभेटर निकालियो

फाइल फाेटाे

तपाईको प्रतिक्रिया