ढिस्कोले पुरिएर चारजना घाइते, एक जनालाई हेलिकप्टरबाट काठमाडौं लगियाे

असोज ७, २०७५ आइतबार १५:३२:३० | अर्जुन श्रेष्ठ

धादिङ – घर लिप्ने माटो खन्ने क्रममा एकै गाउँका ४ जना घाइते भएका छन् ।

धादिङको नीलकण्ठ नगरपालिका–९, काफलपानीका ४ जना महिलाहरु नजिकै पर्ने निगालपानीमा माटो खन्ने क्रममा पहिरोले पुरिएर घाइते भएका हुन् । टाउकोमा गहिरो चोट लागेका २५ वर्षका बालकुमारी गुरुङलाई हेलिकप्टर चार्टर गरी काठमाडौं टिचिङ अस्पताल लगिएको जिल्ला प्रहरी कार्यालय धादिङका प्रहरी उपरीक्षक (एसपी) डम्बरबहादुर बिकले बताउनुभयो ।

त्यस्तै २६ वर्षका नीरमाया गुरुङको ढाड र हातमा चोट लागेको र उहाँलाइ पनि काठमाडौं लगिएको बिकले जानकारी दिनुभयो । जिल्ला सदरमुकाम धादिङबेशीसम्म एम्बुलेन्समा ल्याइएको र उपचारपछि पनि बिरामीको अवस्था गम्भिर देखिएका कारण थप उपचारका लागि हेलिकप्टर मार्फत काठमाडौं लगिएको जिल्ला अस्पताल धादिङका सूचना अधिकारी कृष्णलाल उप्रेतीले बताउनुभयो ।

ढिस्को खसेर पुरिएका २० वर्षका कुलमाया गुरुङको हातमा चोट लागेको र अहिले जिल्ला अस्पताल धादिङमा उपचार भैरहेको स्थानीय रेखबहादुर गुरुङले बताउनुभयो । त्यस्तै घाइते उषा गुरुङको मुरलीभञ्याङ स्वास्थ्य चौकीमा उपचार भैरहेको उहाँको भनाइ छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

अर्जुन श्रेष्ठ

रेडियो धादिङमा काम गर्ने अर्जुन श्रेष्ठ उज्यालोका जिल्ला सम्वाददाता हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्