नेत्रहीन टी–२० विश्वकप : नेपाललाई हराउँदै पाकिस्तान फाइनलमा
मंसिर १६, २०८१ आइतबार
लार्के भन्सार १० वर्षदेखि सुनसान : लाखौंको राजश्व चुहावट
गोरखा – चीनसँगको गोरखाको एक मात्रै नाकामा रहेको लार्के भन्सार १० वर्षयता निष्क्रिय भएको छ ।
दरबन्दीका कर्मचारी नियमित रुपमा कार्यालयमा नबस्दा महत्वपूर्ण नाकामा रहेको भन्सारले काम गर्न नसकेको हो । चुमनुब्री गाउँपालिका वडा नम्बर ३ को जगतमा रहेको भन्सार कार्यालयमा चार कर्मचारीको दरबन्दी भए पनि उनीहरु कार्यालयमा बस्दैनन् ।
आक्कल झुक्कल कार्यालयमा पुगे पनि भन्सारबाट हुनुपर्ने राजस्व संकलनलगायतको काम हुन नसकेको स्थानीयबासिन्दा गणेश कार्कीले बताउनुभयो । भन्सार विभागका अनुसार लार्के भन्सारमा १ सुब्बा, १ खरिदार र २ कार्यालय सहयोगीको दरबन्दी रहेको छ ।
यसअघि ७ कर्मचारीको दरबन्दी रहे पनि लामो समयदेखि निष्क्रिय रहेको भन्सारको कर्मचारी दरबन्दी सरकारले कटौती गरेको हो । अहिले कायम गरिएको दरबन्दीका कर्मचारी पनि कार्यालयमा बस्ने गरेका छैनन् ।
एकजना मात्रै भए पनि नियमित कर्मचारी बस्ने गरेकोमा ३÷४ वर्षयता भने कार्यालयमा ताला नै लाग्ने गरेको चुमनुब्री गाउँपालिकाका अध्यक्ष धनबहादुर गुरुङले बताउनुभयो । उहाँका अनुसार त्यस क्षेत्रमा वन लसुनलगायतका जडिबुटी ठूलो परिमाणमा चीनतर्फ निर्यात हुने गरेको छ ।
‘कार्यालयमा कर्मचारी बस्नुप¥यो, राजस्व संकलन राम्रै हुन्छ’, गुरुङ भन्नुहुन्छ, ‘कर्मचारी नै बस्दैनन्, अनि राजश्व संकलन भएन भनेर हुन्छ त ।’
वन लसुन, सतुवालगायतका जडिबुटीको प्रति किलो एक रुपैयाँ राजस्व रकम निर्धारण गरिएको छ । उत्तरी भेगमा संकलित धेरैजसो वन लसुन सोही नाका भएर तिब्बततर्फ निकासी हुने गरेको छ ।
यस्तै दिनमा ४\५ सय खच्चड आरुघाटबाट जगत हुँदै चुम र नुब्री उपत्यकातर्फ जाने गरेका छन् । ती खच्चडले के सामान ढुवानी गरेका हुन् र कहाँ लैजान्छन् भन्नेबारे पनि सोधीखोजी हुने गरेको छैन ।
भन्सार कार्यालयमा कर्मचारी बसेमा खच्चडले बोकेका सामग्रीबाट पनि थप राजश्व संकलन गर्न सकिने स्थानीयको विश्वास छ । यस्तै असोज, कात्तिक र चैत वैशाखतिर छेकम्पार र समागाउँसहित चुमनुब्री गाउँपालिकाका बासिन्दाले सीमा नाका हुँदै चीनबाट दैनिक उपभोग्य सामग्री ल्याउने गरेका छन् ।
जगतमा रहेको कार्यालयले सामान ढुवानी गर्ने सिजनमा दुवै नाकामा घुम्ती टोली खटाएर राजस्व संकलन गर्ने गरेको थियो । जगतमा रहेको कार्यालयमै कर्मचारी नबसेपछि घुम्ती टोली खटिन पनि सकेका छैनन् ।
लार्के भन्सार प्रमुखको रुपमा दरबन्दी भएका बुद्धमान श्रीसले भने भन्सार विभागकै सल्लाहमा आफूहरु नियमित रुपमा कार्यालयमा नबसेको बताउनुभयो । केही दिनअघि कार्यालयमा पुगेको दाबी गर्दै उहाँले काम नभएपछि विभागमा फर्किएको बताउनुभयो ।
स्थानीय प्रशासनले सामागाउँ र छेकम्पारमा सशस्त्र प्रहरीलाई सीमा सुरक्षाका लागि खटाउने तयारी गरेको छ । त्यसपछि भने भन्सार कार्यालयले पनि नियमित रुपमा राजस्व उठाउन सक्ने उहाँको भनाई छ ।
गएको वर्ष १२ हजार रुपैयाँ मात्रै राजस्व संकलन भएको भन्दै श्रीसले त्यसैकारण विभागले पनि कम महत्व दिएको हुन सक्ने बताउनुभयो । भन्सार विभागका उपसचिव टंक पाण्डेले पनि आयात निर्यातको गतिविधि कम भएकाले लार्के भन्सार सक्रिय हुन नसकेको बताउनुभयो ।
त्यहाँ हुन सक्ने राजस्व संकलनको क्षेत्रबारे अध्ययन गरेर कर्मचारी व्यवस्थापनलगायतको काम गरिने उहाँको भनाई छ । भन्सार सक्रिय हुन चीन र नेपाल दुवै देशको रुची हुनुपर्ने पाण्डेले बताउनुभयो ।
चीनबाट रसुवागढी र तातोपानी नाका हुँदै व्यापारिक सामान आपूर्ति हुने गरेकोमा चीन सरकारले थप ३ वटा नाकामा भन्सार कार्यालय स्थापनामा सघाउन लागेको उहाँले बताउनुभयो ।
नेपाली सेनाले तिब्बत जोड्ने गरी सडक बनाइरहेको छ । सडक सञ्जाल विस्तार भएपछि भन्सारको काम पनि थपिने स्थानीयबासिन्दाको विश्वास छ । पछिल्लो समय उत्तरी नाका हुँदै सुन तस्करी हुने गरेको विभिन्न घटनाबाट पुष्टी भएको छ ।
त्यसैले लार्के भन्सारमा नियमित रुपमा कर्मचारी बस्ने व्यवस्था मिलाउनु पर्ने स्थानीय जनप्रतिनिधिहरुको भनाई छ ।
उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।
किरण लोहनी
उज्यालोका गोरखा सम्वाददाता किरण लोहनी गोरखाको च्वाइस एफएममा पनि काम गर्नुहुन्छ । 
1 Comments
समाचार
-
-
पूर्वी नवलपरासीको धौवादी डाँडाको वायु उर्जा केन्द्रमा उत्पादन ठप्प
मंसिर १६, २०८१ आइतबार
-
सिरियाको ठूलो शहर अलेपोबाट सरकारी सेना फिर्ता
मंसिर १६, २०८१ आइतबार
-
हिउँद लागेसँगै आगलागीका घटना बढे, २४ घण्टामा १० ठाउँमा आगलागी
मंसिर १६, २०८१ आइतबार
-
पालिका उपचुनाव : कहाँ–कहाँ भइरहेको छ मतदान ?
मंसिर १६, २०८१ आइतबार
-
सुनको भाउ तोलामा ४ सय रुपैयाँले घट्यो
मंसिर १६, २०८१ आइतबार
-
६ वटा देशमा एचआईभी सङ्क्रमण एक सय प्रतिशतले वृद्धि
मंसिर १६, २०८१ आइतबार
-
पालिका उपचुनाव : बिहानैदेखि मतदाताको उत्साहजनक सहभागिता (फ...
मंसिर १६, २०८१ आइतबार
-
कीर्तिपुर मैदानबाट क्रिकेट समर्थकको सन्देश...
मंसिर १६, २०८१ आइतबार
-
जुम्लाको पातारासीमा उमेर पुगी विवाह गर्ने जोडीलाई गाउँपालिक...
मंसिर १६, २०८१ आइतबार
-
पुरुष १९ वर्षमुनिको एशिया कपमा नेपालले आज बङ्गलादेशसँग खेल्दै
मंसिर १६, २०८१ आइतबार
-
भोलिदेखि शुरु हुने प्रधानमन्त्रीको चीन भ्रमणको तयारी अन्तिम चरणमा
मंसिर १६, २०८१ आइतबार
-
विश्व एड्स दिवस : नेपालमा ९१ प्रतिशतले एचआइभी सङ्क्रमण घट्यो
मंसिर १६, २०८१ आइतबार
-
जनकपुरमा विवाहपञ्चमी महोत्सव शुरु
मंसिर १६, २०८१ आइतबार
विचार
-
महिला हिंसाविरुद्धका कानून बने, कार्यान्वयन भएनन्
मंसिर १२, २०८१ बुधबार
-
पहिलो रेटिङमै नेपालले सुखद नतिजा पायो, सदुपयोग र निरन्तर स...
मंसिर ९, २०८१ आइतबार
-
अमेरिकामा डोनाल्ड ट्रम्प राष्ट्रपति भएर नेपालसँगको सम्बन्धमा खास...
कात्तिक २४, २०८१ शनिबार
मेरो कथा मेरो भोगाई
-
युवाहरुलाई कृषि पेशामा लाग्न प्रेरित गरौँ
भदौ १९, २०८१ बुधबार
-
श्रमको लगानी स्वदेशमै गर्नुपर्छ
बैशाख १८, २०८१ मंगलबार
-
आधुनिक खेती गर्न सकेमा युवा जनशक्ति देशमै परिचालन गर्न सकिन्छ
चैत १६, २०८० शुक्रबार
Dev Raj Bharati
Sept. 24, 2018, 3:06 p.m.जनता ले अब देश को भार लिने बेला आयो । हरेक क्षेत्र अनियमित अनियंत्रित र दुरुपयोग मात्रै भै रहेको छ । सुझाव छ सरकार जवाफ देही बनोस् । राजनीति थाहा छैन मलाई ; तर देश र जनता को अहित गर्ने मेरो नजरमा पशु हुन । ***जय नेपाल "