डलरसँग भारतीय रुपैयाँ अहिलेसम्मकै कमजोर, विदेशी मुद्राको सञ्चिति पनि घट्यो

साउन ३, २०७९ मंगलबार १४:६:१० | एजेन्सी

अमेरिकी डलरसँग भारतीय रुपैयाँ इतिहासकै कमजोर अवस्थामा पुगेको छ । आज मङ्गलवार एक अमेरिकी डलरको मूल्य ८० रुपैयाँ शून्य दशमलव ५ पैसा पुगेको भारतीय सरकारी एजेन्सी प्रेस ट्रस्ट अफ इन्डिया (पीटीआई) ले जनाएको छ । आज मात्रै भारु ७ पैसाले कमजोर भएको छ ।

यसअघि कहिल्यै पनि भारतीय रुपैयाँ डलरसँग यति धेरै कमजोर नभएको खबरमा उल्लेख छ । अन्तर्राष्ट्रिय बजारमा कच्चा तेलमा भइरहेको मूल्यवृद्धि र शेयर बजारमा आएको गिरावटका कारण भारु पनि निकै कमजोर भएको अनुमान गरिएको छ ।

यसअघि सन् २०१४ मा एकै वर्ष भारु २५ प्रतिशतले कमजोर भएको थियो तर त्यति बेला एक डलर बराबर ६३ रुपैयाँ ३३ पैसा मात्रै रहेको थियो ।

यसैबीच भारतमा विदेशी मुद्राको सञ्चितिमा पनि निकै कमी आएको छ । भारतको विदेशी मुद्रा सञ्चिति आठ अर्ब डलर घटेर पाँच खर्ब ८० अर्ब डलर कायम रहेको बीबीसी हिन्दीले जनाएको छ । यो पछिल्लो १५ महिनायताकै कम सञ्चिति रहेको रिजर्भ बैंक अफ इन्डिया (आरबीआई)ले जनाएको छ ।

यसअघि सन् १९९१ मा भारतमा विदेशी मुद्रा सञ्चिति एक अर्ब डलरभन्दा तल झरेको थियो, एक अर्ब डलरले भारतमा २० दिनका लागि मात्रै विदेशी वस्तु तथा सेवा आयातका लागि मात्रै पर्याप्त थियो । तर तत्कालीन प्रधानमन्त्री पीभी नरसिँह राव र वित्त मन्त्री मनमोहन सिंहको अत्यन्तै चुस्त व्यवस्थापनका कारण अर्थतन्त्र केही समयमै उठेको थियो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्