रेलको उद्घाटन गर्न भारतीय प्रधानमन्त्री मोदी जनकपुर आउने

असोज ९, २०७५ मंगलबार २०:१२:४४ | शैलेन्द्र महतो

धनुषा – भारतीय प्रधानमन्त्री नरेन्द्र मोदी जनकपुर–जयनगर रेल्वे सेवा उद्घाटन गर्न जनकपुर आउने हुनुभएको छ । पाँचौँ पटक नेपाल भ्रमणमा आउन लागेका मोदी दोश्रो पटक जनकपुर आउने कार्यक्रम तय भएको हो ।

यसअघि गएको वैशाख २८ गते उहाँ जनकपुर भ्रमणमा आउनु भएको थियो । भारत सरकारको सहयोगमा मंसिरबाट सञ्चालन हुने जनकपुर–जयनगर रेल सेवाको उद्घाटन गर्न मोदी जनकपुर आउन लाग्नुभएको हो । सम्भवतः जयनगरबाट जनकपुरका लागि छुट्ने रेलबाटै उहाँ जनकपुर आउने बताइएको छ ।

भारतको मध्यप्रदेश, छत्तीसगढ, राजस्थान, मिजोरम र तेलंगानामा चुनावी माहोल बढिरहेको समयमा भारतीय प्रधानमन्त्री नरेन्द्र मोदी नेपाल आउन लागेको हुनाले उहाँको भ्रमणलाई अर्थपूर्ण रुपमा लिइएको छ ।

भारतमा चुनावको माहोल बढिरहेकाले ‘हिन्दू कार्ड’ प्रयोग गर्न मोदीले नेपाल भ्रमणलाई रोजेको चर्चा भइरहेको छ । भारतीय न्यूज एजेन्सी एएनआईका अनुसार राजकीय भ्रमणका लागि नेपाल आउन लागेका मोदी विवाहपञ्चमीको अवसर पारेर मंसिर १२ अथवा १३ गते आउने कार्यक्रम रहेको छ ।

त्रेता युगमा राम र सीताको विवाह भएको स्मरणमा जनकपुरमा धुमधामसँग विवाहपञ्चमी महोत्सव मनाइन्छ । मंसिर १२ गते विवाहपञ्चमीसमेत परेकाले त्यही अवसरमा भारतीय प्रधानमन्त्री मोदीले जनकपुर–जयनगर रेल्वे सेवाको समेत उद्घाटन गर्ने जनाइएको छ ।

यससँगै मोदीले भगवान बुद्धको जन्मस्थल लुम्बिनी भ्रमण समेत गर्ने श्रोतले जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

1 Comments

Narayan Prasad Adhikari
Sept. 26, 2018, 7:03 a.m.
पहिलो पटक रेलवे उदघाटन गर्न पनि भारतीय प्रधानमन्त्री चाहियो है, हाम्रा देशका मन्त्रीको अब काम भएन.......
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

रेलको उद्घाटन गर्न भारतीय प्रधानमन्त्री मोदी जनकपुर आउने

1 Comments

Narayan Prasad Adhikari

तपाईको प्रतिक्रिया

तपाईको प्रतिक्रिया