ताप्लेजुङ महोत्सव शुरु (तस्बिरसहित)

असोज ११, २०७९ मंगलबार १३:२९:३७ | केशवप्रसाद भट्टराई

ताप्लेजुङ – हिमाली जिल्ला ताप्लेजुङमा 'ताप्लेजुङ म्याराथन तथा पर्यटन महोत्सव' शुरु भएको छ । महोत्सवको पहिलो दिन सदरमुकाम फुङलिङ तोक्मडाँडाबाट सुरु भएको कलशयात्रा सिद्धिडाँडास्थित चण्डेश्वर धाम पुगेर टुङ्गिने छ ।

विभिन्न समूह, संस्था, विद्यालय र सर्वसाधारणले उत्साहजनकरुपमा कलशयात्रामा सहभागिता जनाएका छन् । ताप्लेजुङ म्याराथन तथा पर्यटन महोत्सव मूल समारोह समितिका संयोजक अध्यक्ष तारानाथ घिमिरेले कलशयात्रामा सहभागिता जनाउने सबैप्रति आभार व्यक्त गर्नुभयो । यस्तै पाथीभरा क्षेत्र विकास समितिका अध्यक्ष रक्की थेबेले महोत्सव शान्ति, समृद्धि र एकताको प्रतिक हुने विश्वास व्यक्त गर्नुभयाे ।

पाथीभरा देवी मन्दिर क्षेत्र संरक्षण तथा सम्वर्द्धन समिति, पाथीभरा क्षेत्र विकास समिति र नेपाली सेनाको भीमकाली गुल्म महोत्सवको मुख्य आयोजक रहेका छन् । हिमालयन गाइड्स ट्रेक्स एण्ड एक्सपीडिसन प्रालि महोत्सवको मुख्य प्रायोजक रहेको छ ।

प्रदेश १ सरकारका उद्योग,श्रम तथा रोजगारमन्त्री प्रतापप्रकाश हाङगामले महोत्सवको पहिलो दिन कलशयात्राको कार्यक्रम उद्घाटन गर्नुभयो । महोत्सवलाई शान्तिको प्रतिक ठान्दै मन्त्री हाङ्गाम र नेपाली सेनाका सहायक जर्नेल कृष्ण भण्डारीले संयुक्त रुपम परेवा उडाउनुभयाे ।

महोत्सवकै अवसर पारेर यहाँ अन्तरपालिका स्तरीय मेयरकप रनिङ भलिबल प्रतियोगिता समेत हुँदैछ । यस्तै खाद्य परिकार महोत्सव, घरेलु, कृषि तथा औद्योगिक प्रर्दशनी, विभिन्न सांस्कृतिक कार्यक्रम समेत हुँदै छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्