युक्रेनका चार वटा भू–भागमा गरेको जनमत सङ्ग्रह गाभिने पक्षमा आएको रुसको दाबी

असोज १२, २०७९ बुधबार ८:५९:३८ | एजेन्सी

युक्रेनका चार वटा क्षेत्रमा गरिएको जनमत सङ्ग्रह गाभिने पक्षमा मत आएको रुसले दाबी गरेको छ ।

गाभिने वा युक्रेनमै रहने भनेर रुसले ५ दिन लगाएर चार वटा भू–भाग दक्षिण पूर्वी लुहान्स्क, डोनेट्स्क, जापोरिजिया र खेअर्सनमा जनमत सङ्ग्रह गरेको थियो । ती चार वटा क्षेत्र युक्रेनबाट अलग हुने हो भने युक्रेनले कुल क्षेत्रफलको १५ प्रतिशत भू–भाग गुमाउनेछ ।

जापोरिजिया र लुहान्स्कमा ९३ प्रतिशत मत गाभिने पक्षमा खसेको रुसको दाबी छ । त्यस्तै खेअर्सनमा ८७ प्रतिशत र डोनेट्स्कमा ९२ प्रतिशत युक्रेनबाट अलग्गिने पक्षमा आएको रुसी अधिकारीलाई उद्धृत गरी बीबीसीले जनाएको छ ।

युक्रेनले यो जनमत सङ्ग्रहलाई अवैध भन्दै कुनै अर्थ नभएको टिप्पणी गरेको छ । गएको शुक्रवारदेखि सुरु भएको मतदान हिजो सकिएको हो । युक्रेनसहित अमेरिका, युरोपेली युनियनलगायतले यो जनमत सङ्ग्रहलाई अवैधानिक भन्दै आएका छन् । तर, रुसले प्राप्त मतदानका आधारमा अगाडि बढ्ने बताएको समाचार संस्था रोयटर्सले जनाएको छ ।

यसअघि सन् २०१४ मार्चमा पनि रुसले युक्रेनी क्षेत्र क्रिमियालाई यही प्रक्रियाबाट आफ्नो पक्षमा पारेको थियो । गएको फेब्रुअरी २४ देखि रुसले युक्रेनमाथि आक्रमण सुरु गरेको थियो ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्