अर्घाखाँचीमा पहिरोले २१ घरपरिवार विस्थापित : पाल्पामा घर पुरिँदा दुई जना घाइते

असोज २१, २०७९ शुक्रबार १०:२४:२६ | प्रेमनारायण आचार्य

काठमाण्डौ – अर्घाखाँचीमा पहिरोले २१ घरपरिवारका ९६ जना विस्थापित भएका छन् ।

छत्रदेब गाउँपालिका वडा नम्बर ७ र ८ का १० घरपरिवारका ४६ जना, मालारानी गाउँपालिका वडा नम्बर ६ का ७ घरपरिवारका ३५ जना, सन्धिखर्क नगरपालिका वडा नम्बर ६ का ३ घरपरिवारका १३ र पाणिनी गाउँपालिका वडा नम्बर ८ का १ घरका २ जनासहित ९६ जना विस्थापित भएका छन् ।

विस्थापित घरपरिवारलाई सुरक्षित ठाउँमा सारिएको जिल्ला प्रहरी कार्यालयका प्रमुख प्रहरी नायव उपरीक्षक मुकुन्दप्रसाद रिजालले बताउनुभयो ।

यस्तै दशैँको टीका लगाउन मामाघर हिँडेका सन्धिखर्क नगरपालिका वडा नम्बर–७ का १० वर्षीय बालक समीर पौडेल अझै फेला परेका छैनन् । उनी खर्ज्याङ खोलाको किटेनी पुल नजिकैबाट खोला तर्ने क्रममा बगेर बेपत्ता भएका थिए ।

यसैबीच पहिरोले घर पुरिँदा पाल्पामा २ जना घाइते भएका छन् । तिनाउ गाउँपालिका–६, मस्यामका नीरबहादुर सारुको घरलाई पहिरोले पुर्दा डेढ वर्षकी अरुषी खासु र २१ वर्षकी विष्णुमाया सारु घाइते भएको जिल्ला प्रहरी कार्यालय, पाल्पाले जनाएको छ । घाइते दुवैजनाको लुम्बिनी मेडिकल कलेज प्रभासमा उपचार भइरहेको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रेमनारायण आचार्य

प्रेमनारायण आचार्य अर्घाखाँची उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अर्घाखाँचीमा पहिरोले २१ घरपरिवार विस्थापित : पाल्पामा घर पुरिँदा दुई जना घाइते

फाइल तस्बिर

तपाईको प्रतिक्रिया