जितिया पर्व आजदेखि सुरु

असोज १५, २०७५ सोमबार १७:१३:३९ | शैलेन्द्र महतो

धनुषा – सन्तानको सुख शान्ति तथा चिरायुको कामनामा मिथिलानीहरुले साेमबार जितिया पर्व मनाउँदै छन् ।

गएको मंगलबारदेखि विधिवत रुपमा सुरु भएको जितिया पर्व बिहीबार समापन हुने छ । महिलाहरुले २४ देखि ३६ घण्टासम्म पानी समेत नखाई थुक पनि ननिल्ने हुनाले जितिया पर्वलाई महान एवं कठोर पर्व मानिन्छ ।

जितिया पर्वको मुख्य उद्देश्य मोक्ष प्रप्तिको कामनासँगै परिवारको कल्याण पनि रहेको मान्यता छ । मंगलबार नुहाएर घिउराको पातामा तेल खडी चढाएर महिलाहरुले आ–आफ्ना सन्तानको टाउकोमा लगाइदिन्छन् । त्यसपछि सधवा सुहागन महिलाहरु माछा एवम् कोदोको रोटी खाने गर्छन् भने विधवा महिलाहरु भात, चिउरा, कोदोको रोटी खाने परम्परा छ ।

शाकाहारी महिलाहरुले नजिकको पोखरी, इनार, ताल कुवामा स्नान गरी गम्हरी (कोसा भित्रै फल्ने धान) को खीर वा भात पनि खाने गरिन्छ । जितिया पर्वको एका विहानै महिलाहहरु आचमन शुद्धि गरेर घिरौलाका पातमा तेल लगाई त्यसमाथि पिनाको अर्घ दिने गर्दछन् । त्यसपछि दिन रात उपवासमा बस्ने हुनाले छाक भरी भोजन गर्ने चलन छ ।

यता बिहानपख बच्चाहरु बिउझेपछि रातिमा घिरौलाको पातमा चढाएको नैवेद्यय स्वरुपको चिउरा, दही फलफूलसहित प्रसादीको रुपमा खान दिन्छन् । पारनका दिन अर्थात अन्तिम दिन बिहानै ब्रतालु महिलाहरु नदी, पोखरी, इनार–ताल तलैयामा स्नान गरी घर फर्केर बेसारको पातमा चुडा, दही, फलफूल खान दिएर जितिवा पर्व विधिवत रुपमा सम्पन्न हुन्छ ।

जितिया पर्वको अवसरमा मिथिलामा धेरै जसो ठाउँहरुमा जितिया प्रतिमा राखेर पूजाआजासँगै विभिन्न सांस्कृतिक कार्यक्रहहरु समेत गर्ने गर्दछन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्