टी–२० विश्वकप क्रिकेटमा श्रीलङ्काले आयरल्याण्डलाई नौ विकेटले हरायो, भारत र पाकिस्तानको खेल चल्दै

कात्तिक ६, २०७९ आइतबार १४:५३:११ | उज्यालो सहकर्मी

अष्ट्रेलियामा चलिरहेको टी–२० विश्वकप क्रिकेट सुपर १२ को खेलमा श्रीलङ्काले आयरल्याण्डलाई नौ विकेटले पराजित गरेको छ ।

आयरल्याण्डले दिएको एक सय २९ रनको लक्ष्य श्रीलङ्काले १५ ओभरमा १ विकेट गुमाएर पूरा गर्योे ।

श्रीलङ्काको लागि कुशल मेन्डिसले ४३ बलमा अविजित ६८ रन बनाए । धनन्जय डि सिल्भा र चरिथा असलंकाले समान ३१–३१ रन बनाए ।

आयरल्याण्डका लागि गारेथ डिलेनीले १ विकेट लिए । पहिले ब्याटिङ गरेको आयरल्याण्डले २० ओभरमा ८ विकेट गुमाएर एक सय २८ रन बनाएको थियो ।

आयरल्याण्डका लागि ह्यारी टेक्टरले ४२ बलमा ४५ रन र पल स्टर्लिङले २५ बलमा ३४ रन बनाए । श्रीलङ्काका लागि महेश तिक्षणा र वानिन्दु हसरंगाले २–२ तथा विनुरा फर्नान्डो, लाहिरु कुमारा, चमिका करुणारत्ने र धनन्जय डि सिल्भाले समान १–१ विकेट लिए ।

यस्तै आजको दोस्रो खेलमा अहिले भारत र पाकिस्तान खेलिरहेका छन् । भारत र पाकिस्तानबीचको यो खेललाई निकै महत्वका साथ हेरिएको छ ।

अहिलेसम्म भारत र पाकिस्तान विश्वकपमा १३ पटक खेलेका छन् । सन् २०२१ मा भएको खेलमा भारतलाई १० विकेटले हराउँदै पाकिस्तानले ऐतिहासिक जित निकालेको थियो । सन् १९९२ यताका १२ खेलमा पाकिस्तान पराजित भएको थियो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्