प्रधानमन्त्री कप : आज आर्मी र सुदूरपश्चिम तथा गण्डकी र एपीएफ खेल्दै

कात्तिक १८, २०७९ शुक्रबार ८:४९:२ | उज्यालो सहकर्मी

काठमाण्डाै - प्रधानमन्त्री कप एकदिवसीय क्रिकेटमा आज दुई खेल हुँदैछन् ।

आज समूह ‘ए’ मा रहेका त्रिभुवन आर्मी क्लब र सुदूरपश्चिम प्रदेश तथा गण्डकी प्रदेश र एपीएफबीच खेल हुनेछ । आर्मी र सुदूरपश्चिमको खेल कीर्तिपुर मैदानमा तथा गण्डकी र एपीएफको खेल मूलपानी मैदानमा हुनेछ । दुवै खेल बिहान साढे ९ बजेदेखि सुरु हुनेछन् ।

समूह ‘ए’ मा समान दुई खेलमा ४ अङ्कका साथ एपीएफ शीर्ष र गण्डकी प्रदेश दोस्रो स्थानमा रहेका छन् । समान १ खेलमा अङ्क जोड्न नसकेको कर्णाली तेस्रो, आर्मी चौथो र दुई खेलमा अङ्क नजोडेको सुदूरपश्चिम पुछारमा छ । त्यस्तै समूह ‘बी’ मा तीन खेलमा ६ अङ्कका साथ पुलिस क्लब शीर्ष र एक खेलमा २ अङ्क रहेको मधेस प्रदेश दोस्रो, दुई खेलमा २ अङ्क रहेको लुम्बिनी प्रदेश तेस्रो स्थानमा छ । तीन खेलमा दुई अङ्क रहेको प्रदेश एक चौथो र तीन खेलमा अङ्क जोड्न नसकेको बाग्मती पुछारमा छ ।

आइतवारदेखि सुरु भएको प्रतियोगितामा सहभागी १० टोलीलाई दुई समूहमा विभाजन गरिएको छ । समूह ‘ए’ मा एपीएफ, त्रिभुवन आर्मी क्लब, कर्णाली प्रदेश, गण्डकी प्रदेश र सुदूरपश्चिम प्रदेश तथा समूह ‘बी’ मा पुलिस क्लब, वाग्मती प्रदेश, लुम्बिनी प्रदेश, मधेस प्रदेश र प्रदेश–१ रहेका छन् ।

प्रतियोगिताको विजेताले १० लाख रुपैयाँ नगद पुरस्कार पाउनेछ । यस्तै उपविजेताले ५ लाख र सेमिफाइनलमा पुग्ने टोलीले ५० हजार रुपैयाँ पाउने छन् ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री कप : आज आर्मी र सुदूरपश्चिम तथा गण्डकी र एपीएफ खेल्दै

फाइल तस्बिर

तपाईको प्रतिक्रिया