ताप्लेजुङ : हेलिकप्टर नआएपछि हिमाली चार गाउँको मतपेटिका बोकेरै मतगणनास्थलतर्फ लगिँदै

मंसिर ५, २०७९ सोमबार ११:६:४९ | केशवप्रसाद भट्टराई

ताप्लेजुङ - हेलिकप्टर नआएपछि ताप्लेजुङका हिमाली चार गाउँको मतपेटिकाहरु आज बिहानदेखि बोकेर मतगणना स्थलतर्फ लगिँदै छ।

जिल्लाको सबैभन्दा टाढा रहेको फक्ताङलुङ गाउँपालिकाको वडा नम्बर ७ को याङ्मा र ओलाङचुङगोला, त्यही गाउँपालिकाको वडा नम्बर ६ घुन्सा र ग्याब्ला गाउँका मत‍पेटिकाहरु आज बिहानैदेखि बोकेर मतगणनास्थलतर्फ लैजाँदै गरिएकाे प्रमुख जिल्ला अधिकारी महेश कुमार पोख्रेलले बताउनुभयो ।

यी चार ठाउँका मत पेटिकाहरु हेलिकप्टरमार्फत् ल्याउने भनिए पनि हेलिकप्टर नआउने भएपछि बोकेर लैजान लागिएकाे हाे। आज बिहान ५ बजे याङ्माबाट मतदान अधकृतसहितको टोलीले मतपेटिका बोकेर हिँडेकाे प्रमुख जिल्ला अधिकारी पोख्रेलले बताउनुभयो ।

प्रमुख जिल्ला अधिकारी पोख्रेलले दुवै ठाउँका मतपेटिका आज राति १० बजे सम्ममा भेला पारेर ट्याक्सीबाट ल्याउने बताउनुभयो । याङ्मामा मतदान केन्द्रमा ६१ जना मतदाता रहेकामा १२ मत खसेको छ । याङ्माबाट आउन तीन दिन लाग्ने भए पनि आधा बाटोबाट ट्याक्सीमा लगिने भएकाले राति एक बजे सम्ममा मतपेटिका ल्याइ पुर्याइने जनाइएको छ ।

घुन्सामा १ सय ६९ मतदाता रहेकोमा ६० मत खसेको छ । ग्याब्लामा ६७ मतदाता रहेकामा २२ मत खसेको छ । जिल्लाका १ सय २३ मतदान केन्द्रहरुमा ४ वटा बाहेक १ सय १९ मतदान केन्द्रका मतपेटिका भने मुख्य निर्वाचनको कार्यालयमा ल्याइसकिएको छ ।

मतपेटिका जम्मा भएपछि भोलि बिहानदेखि मत गणना गरिने प्रजिअ पोख्रेलले बताउनुभयो । जिल्लामा ५५ प्रतिशत मत खसेको जिल्ला निर्वाचन कार्यालयका निर्वाचन अधिकारी दिनेश खनालले बताउनुभयो ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

केशवप्रसाद भट्टराई

केशवप्रसाद भट्टराई ताप्लेजुङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्