बाग्मतीका मुख्यमन्त्री जम्कट्टेललाई कांग्रेसले पनि विश्वासको मत दिने

माघ ३, २०७९ मंगलबार १४:३५:५० | हरि हुमागाईं

मकवानपुर – बाग्मती प्रदेशमा पनि नेपाली कांग्रेसले सरकारलाई विश्वासको मत दिने भएको छ । सङ्घीय सरकारलाई विश्वासको मत दिएर आलोचित भएको नेपाली कांग्रेसले बाग्मती प्रदेशमा पनि नेकपा माओवादी केन्द्रको तर्फबाट मुख्यमन्त्री बन्नुभएका शालिकराम जम्कट्टेलाई विश्वासको मत दिने भएको हो ।

संसदीय दलको कार्यालय हेटौँडामा आज बसेको बैठकले केही सांसदहरूको फरक मत रहँदारहँदै पनि कांग्रेसले सरकारलाई विश्वासको मत दिने निर्णय गरेको हो । मुख्यमन्त्रीलाई विश्वासको मत दिएर गुण र दोषको आधारमा सशक्त प्रतिपक्षीको भूमिकामा रहने निर्णय गरेको संसदीय दलका नेता बहादुरसिंह लामाले जानकारी दिनुभयो ।

मुख्यमन्त्री जम्मकट्टेलले आजको प्रदेश सभा बैठकमा विश्वासको मत लिने कार्यक्रम छ । एक सय १० सदस्यीय प्रदेश सभामा कांग्रेसका ३७ सांसद छन् । बाग्मतीको मुख्यमन्त्रीमा माओवादी केन्द्रका जम्कट्टेलाई एमाले, राप्रपा र राष्ट्रिय स्वतन्त्र पार्टीले समर्थन गरेका छन् । अरू नै दलहरु मिलेर सत्ता गठबन्धन बनाएको र नेपाली कांग्रेस प्रतिपक्षीमा रहँदा रहँदै पनि किन सङ्घीय सरकारदेखि प्रदेश सरकारलाई विश्वासको मत दिइरहेको छ भनेर धेरै अचम्ममा परेका छन् ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्