वैदेशिक रोजगारीमा जान चाहनेहरुको लागि निःशुल्क सीपमूलक तालिम

 माघ ९, २०७९ सोमबार १४:२२:५२ | उज्यालो सहकर्मी
unn.prixa.net

काठमाण्डौ – के तपाईं वैदेशिक रोजगारीमा जान खोज्दै हुनुहुन्छ र कुनै सीप सिक्ने सोचमा हुनुहुन्छ ? यदि त्यस्तो हो भने नेपाल सरकारले वैदेशिक रोजगारीमा जान चाहनेहरुलाई निःशुल्क सीप सिकाउँदै आएको छ । तपाईं पनि वैदेशिक रोजगार बोर्डले प्रदान गर्ने सीपमूलक तालिम लिएर दक्ष जनशक्तिको रुपमा वैदेशिक रोजगारीमा जान सक्नुहुन्छ । आफूसँग सीप भएपछि वैदेशिक राजगारी थप सुरक्षित हुन्छ । काम र कमाइ पनि राम्रो हुन्छ । 

बोर्डले यो आर्थिक वर्षको लागि विभिन्न १७ वटा विषयमा एक सय ६० घण्टे तालिम दिन लागेको हो । बोर्डका अनुसार १८ वर्ष उमेर कटेका नेपाली नागरिकले तालिम लिन सक्छन् । तालिम लिन इच्छुक व्यक्ति वैदेशिक रोजगारीमा जाने हुनुपर्ने बोर्डकी सूचना अधिकारी मैयाँ कडेल बताउनुहुन्छ ।

‘याे तालिम वैदेशिक रोजगारीमा जानेहरुको लागि भनेर प्रदान गर्न लागिएको हो, यो निःशुल्क तालिम लिन साथमा पासपोर्ट हुनुपर्छ’, उहाँले भन्नुभयो, ‘कसैको पासपोर्ट बन्ने प्रक्रियामा पनि हुनसक्छ, त्यस्तो अवस्थामा केही न केही प्रमाण वा सिफारिस आवश्यक पर्छ ।’ 

सहायक एल्युमिनियम फैब्रिकेटर, सहायक स्काफफोल्डिङ, टाइल मार्बल फिक्स्चर, वेल्डर, इलेक्ट्रिसियन, गार्मेन्ट मेसिन अपरेटरमध्ये आफूलाई मन पर्ने तालिम लिन सक्नुहुन्छ । यस्तै, फ्रन्ट अफिस सहायक, हाउसकिपिङ, हाउस पेन्टर, फर्निचर मेकर, किचेन हेल्पर, मेसन, शटरिङ कार्पेन्ट्री, स्टील फिक्सर र वेटरको तालिम पनि लिन सक्नुहुन्छ । 

इलाम, तेह्रथुम, झापा, महोत्तरी, सिराहा, स्याङ्जा, बाग्लुङ, पाल्पा, पोखरा, नुवाकोट, काभ्रेपलाञ्चोक, पोखरा, चितवन, गुल्मी, रुकुम, जाजरकोट, बाँके, दाङ, डोटी र कञ्चनपुरमा तालिम प्रदान गरिन लागेको हो । यी जिल्लामा रहेका प्राविधिक शिक्षा तथा व्यावसायिक तालिम परिषदमा आबद्ध शिक्षालयबाट यी तालिम सञ्चालन हुनेछन् । आफूलाई अनुकुल हुने र आफूले सिक्न चाहेको तालिम लिनको लागि तालिम प्रदायक शिक्षालयमा सम्पर्क गर्न पनि बोर्डले आग्रह गरेको छ ।

हेर्नुहोस् सूचना :

अन्तिम अपडेट: मंसिर १६, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

  • Khim bahadur khatri

    Feb. 6, 2023, 9:33 p.m.

    म इलेक्टि्कल तालीम लिन चाहान्छु बुटवल बस्छु

  •  0 Reply

  • Mukunda Dhakal

    Jan. 23, 2023, 8:59 p.m.

    म सेक्युरिटी तालीम लिन चाहन्छु के यो तालिम उपलब्ध छ?

  •  1 Reply

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको विजेताले एक करोड ११ लाख रुपैयाँ पुरस्कार पाउने

३

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई