वैदेशिक रोजगारीमा जाने श्रमिकले अब अध्यागमनमा छुट्टै लाइन बस्न पर्दैन : श्रम मन्त्री अर्याल

 माघ १८, २०७९ बुधबार ११:४९:३६ | उज्यालो सहकर्मी
unn.prixa.net

फाइल फाेटाे

काठमाण्डौ –  वैदेशिक रोजगारीमा जाने श्रमिकले अब नेपालको अध्यागमनमा छुट्टै लाइन लाग्न नपर्ने भएको छ ।

विमानस्थल प्रवेश कक्षमा रहेको श्रम डेस्क हटे पनि अध्यागमनको प्रक्रियाको क्रममा वैदेशिक रोजगारीमा जानेहरूले छुट्टै लाइन लाग्नु पर्ने अवस्था कायम रहेको पाइएपछि अरू यात्रु सरह जान पाउने व्यवस्था गरिएको श्रम, रोजगार तथा सामाजिक सुरक्षा मन्त्री डोलप्रसाद अर्यालले जानकारी दिनुभयो । 

आफूले श्रम मन्त्रालयको जिम्मेवारी सम्हालेपछि विमानस्थल अनुगमनको क्रममा अध्यागमनको प्रक्रिया गर्दा वैदेशिक रोजगारीका लागि जानेहरूले छुट्टै लाइन लाग्नु पर्ने र व्यवहार पनि अन्य यात्रुलाई भन्दा फरक गरेको पाइएको मन्त्री अर्यालले बताउनुभयो । 

‘काम गर्नका लागि विदेश हिँडेकै कारण आफ्नै देशको विमानस्थलमा छुट्टै लाइन लाग्न पर्ने कुरा अध्यागमनमा कायम नै रहेछ, त्यो देखेपछि मैले तत्काल निर्णय गरी वैदेशिक रोजगारीमा जानेहरूले छुट्टै लाइन लाग्न नपर्ने व्यवस्था गरिएको छ’ मन्त्री अर्यालले भन्नुभयो । 

पूर्व श्रम मन्त्री कृष्ण कुमार श्रेष्ठले विमानस्थलमा रहेको श्रम डेस्क हटाइ अन्य यात्रु सरह विमानस्थल प्रवेश गर्न पाउने व्यवस्था लागू गर्नुभएको थियो । विमानस्थलमा श्रम डेस्क रहँदासम्म वैदेशिक रोजगारीका हिँडेकाहरू छुट्टै गेटबाट प्रवेश गर्नुपथ्र्यों ।

श्रम डेस्क हटे पनि अध्यागमनको प्रक्रियामा फेरि विभेद गरेको पाइएपछि अन्य यात्रु सरह वैदेशिक रोजगारीमा जानेलाई पनि सेवा प्रवाह गर्ने व्यवस्था भएको मन्त्री अर्यालले बताउनुभयो । 

अन्तिम अपडेट: मंसिर ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

नेपालमा आयाेजना हुने काभा पुरुष भलिबल क्लब च्याम्पियनशिपमा ५ वटा टाेली

२

एनपीएलको उद्घाटन खेलमा विराटनगरलाई हराउँदै जनकपुरको विजयी शुरुवात

३

एनपीएलको विजेताले एक करोड ११ लाख रुपैयाँ पुरस्कार पाउने

४

काठमाण्डौको तारकेश्वरमा बसको ढोकाबाट खसेर दुई जनाको ज्यान गयो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई