गुल्मी : पशुको बाँझोपन परीक्षण गर्न भिडियो एक्स–रे सेवा सुरु

माघ २४, २०७९ मंगलबार १६:२०:२७ | जनार्दन घिमिरे

गुल्मी – गुल्मीमा भिडियो एक्स–रेबाट पशुको बाँझोपनको समस्या र गर्भ परीक्षण गर्न सुरु गरिएको छ । भेटेनरी अस्पताल तथा पशु सेवा विज्ञ केन्द्र गुल्मीले रेसुङ्गा नगरपालिका र ईस्मा गाउँपालिकामा यो सेवा सुरु गरेको हो ।

कार्यालयका प्राविधिकहरूले किसानको गोठ–गोठमै पुगेर भिडियो एक्स–रे सेवा सुरु गरेपछि यहाँका किसान निकै खुसी भएका छन् । बाँझोपनको पहिचान र उपचार नहुँदा लामो समयसम्म किसानले गोठमा त्यत्तिकै थारो पशुचौपाया पाल्नुपर्ने बाध्यता थियो ।

भिडियो एक्स–रेबाट पत्थरी, कलेजो लगायतका परीक्षण पनि हुने कार्यालयले जनाएको छ । कार्यालयले भिडियो एक्स–रे ल्याएसँगै ईस्मा ६ का अगुवा किसान कृष्ण घिमिरेले केन्द्रले जिल्लामा पशुका लागि नयाँ सेवा प्रवाहसँगै उपचारमा नयाँ प्रविधि भित्र्याएकाेमा खुसी व्यक्त गर्नुभयो । घिमिरेले आफूले पनि त्यसै प्रविधिमार्फत आफ्ना गाईको बाँझोपनाको समस्या पहिचान गर्न सजिलो भएको बताउनुभयो । उहाँले अन्य किसानलाई पनि नयाँ प्रविधिको प्रयोग गर्न सुझाव दिनुभएको छ ।

भेटेनरी अस्पताल तथा पशु सेवा विज्ञ केन्द्र गुल्मीका प्रमुख डाक्टर भरत काफ्लेले लुम्बिनी प्रदेशमै यो उदाहरणीय काम भएको बताउनुभएको छ । प्रदेशको पशुपक्षी तथा मत्स्य विकास निर्देशनालयको सिफारिसमा नेपाल लाइभस्टक सेक्टर इनोभेसन आयोजनाले विज्ञ केन्द्रलाई भिडियो एक्स–रे मेशपन उपलब्ध गराएको काफ्लेले बताउनुभयो ।

पशुमा बाँझोपनका कारण किसानले त्यसको उपचारमा विकल्प नहुँदा पशुको गर्भ पहिचान गर्न अहिलेसम्म हातैले छाम्नुपर्ने बाध्यता थियो । कार्यालयमा एक्स–रे मेशिन आएसँगै बाँझोपन निवारणका लागि पालिकाका प्राविधिकमार्फत तथ्याङ्क सङ्कलन गर्ने काम भइरहेको डाक्टर काफ्लेले जानकारी दिनुभयो ।

गुल्मीमा गएकाे हप्तादेखि भिडियो एक्स–रे सेवा सुरु भएको हो । कार्यालयले आफ्नो स्वीकृत कार्यक्रममा राखेको बाँझोपन निवारण शिविरले किसानलाई पनि थप सहज हुने बताइएको छ । परम्परागत पद्धति र प्रक्रियाबाट गरिने कामभन्दा प्रविधिको प्रयोगबाट गरिने काम थप परिष्कृत र वैज्ञानिक हुने कुरामा किसान थप आशावादी बनेका छन् । कार्यालयले यो सेवा जिल्लाका सबै पालिकामा पुर्‍याउने जनाएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जनार्दन घिमिरे

गुल्मीका क्रियाशील पत्रकार जनार्दन घिमिरे लामो समयदेखि उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गुल्मी : पशुको बाँझोपन परीक्षण गर्न भिडियो एक्स–रे सेवा सुरु

फाइल फाेटाे

तपाईको प्रतिक्रिया