हेटौँडामा बाघकाे आक्रमणबाट घाँस काट्न गएकी महिला घाइते

 माघ २५, २०७९ बुधबार १९:२९:१० | हरि हुमागाईं
unn.prixa.net

फाइल तस्बिर

हेटौँडा – हेटौँडाको हर्नामाडीमा जङ्गलमा घाँस काट्न गएकी महिला बाघले आक्रमणबाट घाइते भएकी छिन् । हेटौँडा उपमहानगरपालिका १८ हर्नामाडीकाे मानेडाँडा बस्ने ५६ वर्षकी मैती बयलकोटीलाई बाघले आक्रमण गरेर घाइते बनाएको हो ।

आज दिउँसाे ४ बजेतिर घाँस काट्न जाँदै गर्दा सुकौरा जाने बाटोमा बाघले बयलकोटीलाई आक्रमण गरेको थियो । उनकाे गाला, ओठ र ढाडमा चोट लागेको र थप उपचारका लागि हेटौँडा अस्पताल पठाइएको ठुलोदमार प्रहरी चौकीका इन्चार्ज अर्जुनप्रसाद देवकोटाले जानकारी दिनुभयाे । उनको अवस्था सामान्य छ ।

घटना भएको स्थल रामधुनीबाट डेढ किलो मिटरकाे दुरीमा छ । हिजाे मङ्गलवारदेखि हेटौँडा १८ हर्नामाडीको गुम्बाडाँडामा बाघको त्रास बढेकाे छ । गाउँमा बाघले निरन्तररूपमा पशुचौपाया मार्ने र मानिसलाई समेत आक्रमण गर्न थालेपछि स्थानीयवासी त्रसित छन् । अहिले वन कार्यालयबाट घटनाबारे थप बुझ्न त्यसतर्फ गएको प्रहरी इन्चार्ज देवकोटाले बताउनुभयाे । 

पछिल्लो समय वनजङ्गलमा घाँस, दाउरा तथा खुला चरणमा रोक लगाएपछि त्यस क्षेत्रमा झाडी अत्यधिकरूपमा बढेको छ । त्यही कारणले गाउँमा वन्यजन्तुको प्रवेश भएको हुनसक्ने आँकलन स्थानीयले गरेका छन् ।

अन्तिम अपडेट: मंसिर १३, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

हरि हुमागाईं

मकवानपुरका उज्यालो सहकर्मी हरि हुमागाईं नेपाल पत्रकार महासंघको पूर्व जिल्ला अध्यक्षसमेत हुनुहुन्छ । 

तपाईको प्रतिक्रिया

समाचार

लोकप्रिय

१

एनपीएलको उद्घाटन खेलकाे सबै टिकट बिक्री, ३३ लाख रुपैयाँभन्दा धेरै आम्दानी

२

युक्रेनद्वारा रुसमाथि अमेरिकी क्षेप्यास्त्र आक्रमण

३

उत्तर र दक्षिण कोरियाको सीमावर्ती क्षेत्रमा 'लाउडस्पिकर' युद्ध चर्कियो

४

चितवन राइनोजका समर्थकलाई निःशुल्क बस र खाजाको व्यवस्था

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई