बुटवल बहुमुखी क्याम्पसमा अनेरास्ववियु विजयी

चैत ६, २०७९ सोमबार १३:३८:५० | भवानीप्रसाद पाण्डे

रुपन्देही – स्वतन्त्र विद्यार्थी युनियन (स्ववियु) चुनावमा रुपन्देहीकाे बुटवल बहुमुखी क्याम्पसमा एमाले निकट अनेरास्ववियु विजयी भएको छ । प्राप्त मत परिणामअनुसार अनेरास्ववियुका सभापतिका उम्मेदवार दुर्गाबहादुर एम सि १ हजार २ सय १४ मत ल्याएर विजयी हुनुभयो । अखिल क्रान्तिकारीका शिवबहादुर खवासले ६ सय ३५ मत ल्याउनुभयो । तेस्राे स्थानमा रहेका नेविसङ्घका सागर पौडेलले ४ सय ७४ मत ल्याउनुभयो ।

बुटवल बहुमुखी क्याम्पसमा अनेरास्ववियुले २०४९ सालदेखि जित्दै आएको छ । यो क्याम्पसमा अनेरास्ववियुले अखिल छैटाैँसँग तालमेल गरेको थियो भने नेविसङ्घ र अखिल क्रान्तिकारी छुट्टाछुट्टै चुनावमा प्रतिस्पर्धा गरेका थिए । ७ हजार १ सय १० जना मतदाता रहेका क्याम्पसमा २ हजार ६ सय ८१ मतदाताले मात्रै चुनावमा सहभागिता जनाएका थिए ।

योसँगै स्ववियु चुनाव भएका रुपन्देहीका ६ वटै क्याम्पसको नतिजा सार्वजनिक भएको छ । अनेरास्ववियुले ३ र नेविसङ्घले ३ वटा क्याम्पसमा जित हासिल गरेका छन् । बुटवल बहुमुखीसँगै हरैया बहुमुखी क्याम्पसमा अनेरास्ववियुका प्रदीप सापकोटा सभापतिमा विजयी हुनुभएको छ । यस्तै देवदह आदर्श बहुमुखी क्याम्पसमा अनेरास्ववियुका अर्जुन गैरे सभापतिमा निर्वाचित हुनुभएको छ ।

यज्ञोदय क्याम्पस फर्साटिकरको सभापतिमा नेविसङ्घका महेश चौधरी निर्वाचित हुनुभएको छ । छपिया जनता कलेजमा नेविसङ्घका अभिषेककुमार यादव सभापतिमा विजयी हुनुभएको छ । शहीद नारायण पोखरेल रामापुर क्याम्पसमा नेविसङ्घका मनोज बेल्वासे सभापतिमा निर्वाचित हुनुभएको छ ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

भवानीप्रसाद पाण्डे

रुपन्देहीका उज्यालो सहकर्मी भवानीप्रसाद पाण्डे बुटवल एफएममा पनि काम गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

बुटवल बहुमुखी क्याम्पसमा अनेरास्ववियु विजयी

फाइल फाेटाे

तपाईको प्रतिक्रिया