टर्की–सिरियाका भूकम्प पीडितका लागि ७ अर्ब युरो सहयोगको प्रतिबद्धता

चैत ७, २०७९ मंगलबार १५:९:२९ | एजेन्सी

टर्की र सिरियामा गएको भूकम्पका पीडितहरूका लागि अन्तर्राष्ट्रिय दाताहरूले अहिलेका लागि कम्तीमा पनि सात अर्ब युरो सहयोग गर्ने वाचा गरेका छन् । ती भूकम्प पीडितहरूका लागि सहयोग रकम जुटाउने उद्देश्यले युरोपेली सङ्घले बेल्जियमकाे राजधानी ब्रसेल्समा आयोजना गरेको दाताहरूको सम्मेलनका क्रममा उनीहरूले यस्ताे प्रतिबद्धता व्यक्त गरेका चिनियाँ समाचार संस्था सिन्ह्वाले जनाएकाे छ ।

गएको महिना टर्कीमा केन्द्रविन्दु भएर गएको सात दशमलव आठ म्याग्निच्युडको भूकम्पले टर्की र सिरियामा गरी ५० हजार जनाभन्दा धेरै मानिसको ज्यान जानुका साथै भौतिक क्षति भएको थियो ।

यस भूकम्पबाट प्रभावित हुने र विस्थापित हुने व्यक्तिको सङ्ख्या पनि लाखौँ रहेको संयुक्त राष्ट्र सङ्घको प्रारम्भिक अनुमान छ । एक प्रारम्भिक प्रतिवेदनका अनुसार टर्कीमा मात्रै एक सय अर्ब डलरभन्दा बढीको क्षति भएको अनुमान गरिएको छ । त्यस क्षेत्रमा गएकाे हप्ता आएको बाढीले पनि थप दुःख भएको जनाइएको छ ।

सोमवार आयोजना गरिएको दाता सम्मेलनमा विश्वका विभिन्न देशका ६० भन्दा बढी प्रतिनिधिहरुको सहभागिता रहेको थियाे । अहिले टर्की र सिरियामा सङ्कटग्रस्त अवस्था रहेको र तत्कालै उनीहरूका लागि आवश्यक सहयोग जुटाउन दाता सम्मेलनको आयोजना गरिएको र त्यसमा तत्कालै आवश्यक पर्ने सङ्कटकालीन सहयोगअन्तर्गत यो प्रतिबद्धता आएको हो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

टर्की–सिरियाका भूकम्प पीडितका लागि ७ अर्ब युरो सहयोगको प्रतिबद्धता

फाइल तस्बिर

तपाईको प्रतिक्रिया