अब पुरानो ढर्राको राजनीति र नेताहरुले देश बन्दैन, त्यसैले बाटो बदलेँ : स्वर्णीम वाग्ले

चैत १८, २०७९ शनिबार १६:४०:१० | उज्यालो सहकर्मी

काठमाण्डाै - नेपाली कांग्रेस छाडेका अर्थशास्त्री स्वर्णीम वाग्लेले अब पुरानो ढर्राका पार्टी र नेताहरुबाट देश परिवर्तन नहुने बताउनुभएको छ ।

राष्ट्रिय स्वतन्त्र पार्टीले गरेको पत्रकार सम्मेलनमा वाग्लेले नेपाल विकसित बनाउन निकै ढिलो भइसकेको तर पुराना ढर्राका पार्टी र नेताहरुबाट यो सम्भव नरहेको बताउनुभयो ।

देश बनाउन ढिलो भएको आभाषले नै आफूलाई राष्ट्रिय स्वतन्त्र पार्टीको महाअभियानमा उभिन बाध्य बनाएको वाग्लेको भनाइ छ । समय सीमा नै तोकेर अब देशलाई परिवर्तन गर्नुपर्ने वाग्लेले बताउनुभयो ।

‘व्यवस्था नै परिवर्तन गरेपछि नागरिक र देशको अवस्था परिवर्तन हुन्छ भनेर हामीले ७० वर्ष खेर फाल्यौँ । तर व्यवस्था मात्रै फेरियो, अवस्था फेरिएन । राणा शासन, पञ्चायत र राजतन्त्र लगायतका व्यवस्था परिवर्तन भए पनि नागरिकको अवस्था परिवर्तन भएन । त्यसैले म पनि बाटो बदल्न बाध्य भएँ’ वाग्लेले भन्नुभयो ।

उहाँले अब पुरानो ढर्राको राजनीतिले देशले केही नपाउने भन्दै राष्ट्रिय स्वतन्त्र पार्टी जस्तो केही गरौँ भनेर उदाएको र विज्ञ व्यक्ति नेता भएको पार्टीमा आफू जोडिएको बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्