यस वर्ष विश्वको आर्थिक वृद्धिदर ३ प्रतिशतभन्दा तल झर्ने प्रक्षेपण

चैत २४, २०७९ शुक्रबार १५:७:५१ | एजेन्सी

अन्तर्राष्ट्रिय मुद्रा कोष (आईएमएफ) का प्रबन्ध निर्देशक क्रिस्टालिना जर्जिएभाले यस वर्ष विश्वको आर्थिक वृद्धिदर तीन प्रतिशतभन्दा तल झर्ने चेतावनी दिनुभएको छ ।

विश्वका लगभग सबै विकसित अर्थतन्त्रमा देखिएको मन्दीका कारण सन् २०२३ मा विश्वको आर्थिक वृद्धिदर तीन प्रतिशतभन्दा तल झर्ने उहाँको प्रक्षेपण छ । अर्को हप्ता आईएमएफ र विश्व बैंकको बैठकअघि तयार पारेको रिपोर्टबारे जानकारी दिँदै प्रबन्ध निर्देशक जर्जिएभाले कमजोर देशका लागि आर्थिक वृद्धिको यो तथ्याङ्कले केही क्षति पुग्न सक्ने बताउनुभयो ।

रुस–युक्रेन आक्रमणको असरले विश्व अर्थतन्त्रमा तरङ्ग ल्याउँदा गएको वर्ष विश्वको आर्थिक वृद्धिदर झन्डै आधा घटेर तीन दशमलव चार प्रतिशतमा झरेको थियो ।

तर यस वर्ष एसियाका उदीयमान बजारहरूले आर्थिक उत्पादनमा उल्लेखनीय वृद्धि हुने अपेक्षा गरिएको छ । भारत र चीनले यस वर्षको सबै वृद्धिको आधा हिस्सा ओगट्ने अनुमान गरेका छन् । समग्रमा विश्वका ९० प्रतिशत विकसित अर्थव्यवस्थाका लागि अपेक्षित मन्दीले आर्थिक वृद्धिको सुखद अवस्थालाई पछि पार्ने देखिएको छ ।

अन्तिम अपडेट: मंसिर ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्