मेयर शाहकाे अभिव्यक्तिप्रति सरकारले भन्याे– ‘नागरिककाे स्वास्थ्यमाथि खेलबाड गर्न पाइँदैन’

चैत ३०, २०७९ बिहीबार १७:४:३७ | उज्यालो सहकर्मी

काठमाण्डाै – सरकारले काठमाण्डाै महानगरपालिकाले सिंहदरबारभित्रको फोहोर नउठाएर नागरिककाे स्वास्थ्यमाथि खेलबाड गरेको बताएकाे छ ।

बिहीवार मन्त्रिपरिषद् बैठकको निर्णय सार्वजनिक गर्न मन्त्रालयमा आयोजित कार्यक्रममा बोल्दै सरकारकी प्रवक्ता एवम् सञ्चार तथा प्रविधिमन्त्री रेखा शर्माले काठमाण्डाे महानगरले सिंहदरबारभित्रको फाेहोर नउठाएर नागरिककाे स्वास्थ्यमाथि खेलबाड गरेको बताउनुभएको हो । उहाँले गर्मीको समयमा त्यसरी फोहोर नउठाउनाले आम नागरिककाे स्वास्थ्यमा असर पर्ने भन्दै यस्तो गर्नु राम्रो नभएको बताउनुभयो । कुनै अर्को उद्देश्य पूर्तिका लागि फोहोर नउठाएर हड्तालको विषय बनाइएको उहाँकाे भनाइ छ ।

मन्त्री शर्माले महानगरपालिकाको मेयरले भनेको विषय टुङ्गिएन भनेर नागरिककाे स्वास्थ्यमाथि खेलबाड गर्न नपाइने बताउनुभयो । उहाँले सङ्घीय सरकारले सहजीकरण गरेर टुङ्ग्याउनुपर्ने विषयमा छलफल गर्नुपर्ने बताउनुभयो । काठमाण्डाैका मेयरले संविधान, कानुन र स्थानीय सरकार सञ्चालन ऐन बुझेर काम गर्नुपर्ने उहाँकाे भनाइ छ ।

उहाँले भन्नुभयो, ‘पालिका पनि सरकार हो । त्यसले संविधान पनि बुझ्नुपर्छ । त्यसले नीति पनि बुझ्नुपर्छ । कानुन पनि बुझ्नुपर्छ र त्योअनुसार चल्नुपर्छ । संविधानको अनुसूची ८ मा एकल अधिकार क्षेत्रभित्रमा फोहोरमैला व्यवस्थापनको कुरा पालिकाकाे हुनेछ भन्ने कुरा स्पष्ट छ । स्थानीय सरकार सञ्चालन ऐनको दफा ११ हेर्‍याैँ भने त्यहाँ पालिकाले के–के गर्ने भनेर बुँदागत रूपमा लेखिएको छ । तर त्यो लेखिएको विषयलाई अर्को कुनै उद्देश्य पूर्तिका निम्ति र अर्को कुनै कामलाई सल्ट्याउनका निम्ति हडतालकाे विषय बनाउनुहुन्न । किनभने यो गर्मीको समय, आम नागरिककाे स्वास्थ्यसँग जोडिएको विषय, यो धेरै संवेदनशील विषय हो । त्यस कारण जिम्मेवार पदाधिकारीले यस्तो विषय बोल्नु, यस्ता खालका कदम चाल्नु भनेको कुरा राम्रो होइन । यसले राम्रो सन्देश दिँदैन । यसले जनस्वास्थ्यमाथिको खेलबाड पनि ठहर्छ ।’

सङ्घीय सरकारले सहयोग नगरेको भन्दै मेयर शाहको निर्देशमा सिंहदरबारको फोहोर उठेको छैन । महानगरपालिकाले फोहोर नउठाएपछि मन्त्रिपरिषद्को बैठकले सिंहदरबारको फोहोर उठाउने जिम्मेवारी महानगरपालिकाकै भएकाले जिम्मेवारीबाट पन्छिन नमिल्ने जनाएको थियो ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

Binod Ghimire
April 13, 2023, 11:10 p.m.
तिमी घाँस खानेहरुले आफ्नो कर्तव्य नभुलेको भए उसले पनि आफ्नो कर्तव्य निभाउथ्यो कि???
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
गणेश श्रेष्ठ
April 13, 2023, 5:16 p.m.
नागरिक भन्दा माथि नगर हुन्छ नगर भन्दा माथी देश र नेपाल मा राजनीति गर्ने प्रमुखहरूलाई देश कै भबिस्य माथी खेबाबाड गरेर देश टाट पल्टाउन छुट हुन्छ कि हुदैन ? अनि मेयर साब ले हाम्रो नगर जोगाउनु पर्छ कला धर्म संस्कृति जोगाउनु पर्छ भन्दा जनताको स्वास्थ्य माथी खेलबाड भयो ?देश रहे जनता रहन्छ चेतना भया 🤗
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

मेयर शाहकाे अभिव्यक्तिप्रति सरकारले भन्याे– ‘नागरिककाे स्वास्थ्यमाथि खेलबाड गर्न पाइँदैन’

2 Comments

Binod Ghimire

तपाईको प्रतिक्रिया

गणेश श्रेष्ठ

तपाईको प्रतिक्रिया

तपाईको प्रतिक्रिया