गृहमन्त्रीकाे प्रश्न– ‘काठमाण्डाैका मेयरले सिंहदरबारकाे फाेहाेर उठाउँदिनँ भन्न मिल्ला कि नमिल्ला ?’

वैशाख १, २०८० शुक्रबार १८:४२:४ | उज्यालो सहकर्मी

काठमाण्डाै – उपप्रधान एवम् गृहमन्त्री नारायणकाजी श्रेष्ठले काठमाण्डाै महानगरपालिकाले सिंहदरबार, शीतल निवास र बालुवाटारको फोहोर उठाउँदिनँ भन्न नमिल्ने दाेहाेर्‍याउनुभएकाे छ ।

श्रद्धेय धम्मवती गुरुमाँ विशेष सामूहिक धम्मपूजा आयोजक समितिले शुक्रवार काठमाण्डाैमा आयोजना गरेको एक कार्यक्रममा बोल्दै उपप्रधानमन्त्री श्रेष्ठले यस्ताे बताउनुभएकाे हाे । कुनै एउटा सन्दर्भलाई लिएर काठमाण्डाै महानगरपालिकाका मेयर बालेन्द्र शाहले भनेको प्रसङ्गलाई उद्धृत गर्दै उहाँले त्यसो भन्न मिल्छ कि मिल्दैन ? भनेर सोचिदिन पनि आग्रह गर्नुभयो । यसअघि गएकाे साेमवार चितवनमा सञ्चारकर्मीसँग कुरा गर्दै उहाँले काठमाण्डाैका मेयरले सिंहदरबारको फोहोर उठाउँदिनँ भन्न मिल्छ ? भनेर प्रश्न गर्नुभएकाे थियाे ।

उहाँले भन्नुभयो, ‘काठमाण्डाै महानगरपालिकाले कुनै एउटा सन्दर्भलाई लिएर सिंहदरबारको फोहोर नउठाउने, राष्ट्रपति कार्यालयको फोहोर उठाउँदिनँ, बालुवाटारको फोहोर उठाउँदिनँ भन्न मिल्ला नि नमिल्ला ? एकचोटि यसो छातीमा हात राखेर सोचिदिनु भए धेरै गुण लाग्थ्यो ।’

कार्यक्रममा बाेल्दै उपप्रधानमन्त्री श्रेष्ठले गृह मन्त्रालय र मातहतका सबै सुरक्षा निकायहरूमा योग तथा ध्यान शिविर सञ्चालन गर्ने घोषणा पनि गर्नुभयाे । योग र ध्यानले सही ढङ्गले काम अघि बढाउन मद्दत गर्ने भन्दै उहाँले गृह मन्त्रालय र मातहतका सबै सुरक्षा निकायहरूमा त्यसलाई सञ्चालनमा ल्याउने र नियमित गर्नका लागि पहल गर्ने बताउनुभएको हो । उहाँले यसअघि आफूले भौतिक पूर्वाधार तथा यातायातमन्त्रीको रूपमा त्यहाँ पनि योग तथा ध्यान शिविर सञ्चालन गर्न खोजेको तर समय अभावका कारण त्यसलाई लागू गर्न असमर्थ भएको उल्लेख गर्नुभयाे ।

सङ्घीय सरकारले सहयोग नगरेको भन्दै मेयर शाहको निर्देशमा सिंहदरबारको फोहोर उठेको छैन । महानगरपालिकाले फोहोर नउठाएपछि मन्त्रिपरिषद्को बैठकले सिंहदरबारको फोहोर उठाउने जिम्मेवारी महानगरपालिकाकै भएकाले जिम्मेवारीबाट पन्छिन नमिल्ने जनाएको छ ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

2 Comments

Binaya bahadur shrestha
May 6, 2023, 3:11 p.m.
सुरक्षा निकाय लाई सहयोगको लागि हारगुहार गर्दा टेरपुछानी नलगाउनु मिल्छ भने ,त्यो पनि गर्न मिल्छ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्
Gopal,Ilam
April 16, 2023, 12:38 p.m.
त्यहि सिंहदरवार भित्र भ्रष्टाचारले दुगदुन्ति कुहिएका फाेहाेरहरू भए ठाउंकाे बाहिर पट्टी मानव निर्मित फाेहाेर राखिदिनु सहि नै हाे । जनताकाे कर खानेहरूले,जनताले उत्पादन गरेकाे फाेहाेर सुग्नु नाैलाे कुरा नै हैन ।
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

गृहमन्त्रीकाे प्रश्न– ‘काठमाण्डाैका मेयरले सिंहदरबारकाे फाेहाेर उठाउँदिनँ भन्न मिल्ला कि नमिल्ला ?’

फाइल तस्बिर

2 Comments

Binaya bahadur shrestha

तपाईको प्रतिक्रिया

Gopal,Ilam

तपाईको प्रतिक्रिया

तपाईको प्रतिक्रिया