परराष्ट्रमन्त्री साउदद्वारा शपथ ग्रहण, लगत्तै सिंहदरबार पुगेर पदबहाली

वैशाख ३, २०८० आइतबार १६:५०:३९ | उज्यालो सहकर्मी

काठमाण्डाै – नवनियुक्त परराष्ट्रमन्त्री एनपी साउदले पद तथा गाेपनीयताकाे शपथ ग्रहण गर्नुभएकाे छ । आज आइतवार दिउँसाे राष्ट्रपति कार्यालय शीतल निवासमा उहाँले राष्ट्रपति रामचन्द्र पाैडेलसमक्ष शपथ ग्रहण गर्नुभएकाे हाे ।

प्रधानमन्त्री पुष्पकमल दाहाल प्रचण्डले नेपाली कांग्रेसका सांसद साउदलाई परराष्ट्रमन्त्रीमा नियुक्त गर्नुभएको हो । कञ्चनपुर निर्वाचन क्षेत्र नम्बर २ को प्रतिनिधि सभा सदस्यमा विजयी हुनुभएका उहाँ नेपाल विद्यार्थी सङ्घ (नेविसङ्घ) को पूर्वअध्यक्ष एव‌म् पूर्वमन्त्री पनि हुनुहुन्छ ।

यसैबीच नवनियुक्त परराष्ट्रमन्त्री साउदले शपथ ग्रहण गरेलगत्तै सिंहदरबार पुगेर पदबहाली गर्नुभएकाे छ । पदबहालीपछि पत्रकारसँग कुरा गर्दै मन्त्री साउदले सबै छिमेकीहरूसँग सौहार्दपूर्ण र शान्तिपूर्ण सम्बन्धलाई कायम राख्ने बताउनुभयो । नेपाललाई शान्तिप्रिय लोकतान्त्रिक देशको रूपमा विश्वसामु चिनाउने उद्देश्यतर्फ लक्षित रहेर काम गर्ने भन्दै उहाँले प्रधानमन्त्रीको भारत भ्रमणको तयारी सुरु गरिहाल्ने पनि बताउनुभयो ।

सत्ता गठबन्धनमा प्रधानमन्त्री प्रचण्डको भारत भ्रमणकै तयारीका लागि परराष्ट्रमन्त्री नियुक्त गरिहाल्ने सहमति भएअनुसार साउदले आज शपथ लिनुभएको हो । प्रधानमन्त्री प्रचण्डले वैशाख दोस्रो हप्तासम्ममा भारत भ्रमण गर्ने तयारी गर्नुभएको छ ।

यसैगरी प्रधानमन्त्री प्रचण्डले चन्दा चपाईंलाई भौतिक पूर्वाधार तथा यातायात मन्त्रालयको राज्यमन्त्री पदमा नियुक्त गर्नुभएको छ । चपाईंले पनि आजै राष्ट्रपति कार्यालयमा शपथ ग्रहण गर्नुभएकाे छ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

परराष्ट्रमन्त्री साउदद्वारा शपथ ग्रहण, लगत्तै सिंहदरबार पुगेर पदबहाली

तस्बिर : रासस

तपाईको प्रतिक्रिया