अयाेग्य लडाकुलाई पैसा बाँड्ने निर्णयबारे संसद्लाई जानकारी गराइयाेस् : प्रदीप पाैडेल

वैशाख १५, २०८० शुक्रबार १५:१२:२८ | उज्यालो सहकर्मी

काठमाण्डाै – सत्तारूढ प्रमुख घटक नेपाली कांग्रेसका सांसद प्रदीप पौडेलले माओवादीका अयोग्य लडाकुलाई दुई/दुई लाख रुपैयाँका दरले राहत दिने सरकारको निर्णयप्रति आपत्ति जनाउनुभएको छ ।

शुक्रबार प्रतिनिधि सभा बैठकमा विशेष समय लिएर बोल्दै सांसद पाैडेलले आर्थिक सङ्कटकाे बेला सरकारले संसद् छलेर यस्ताे निर्णय गरेको भन्दै आपत्ति जनाउनुभएको हो । उहाँले यसबारे संसद्लाई तत्काल जानकारी गराउन पनि सरकारसँग माग गर्नुभयो ।

उहाँले भन्नुभयो, ‘अयोग्य लडाकुलाई दुई/दुई लाख रुपैयाँ दिने निर्णय भएको भन्ने कुरा विभिन्न माध्यमबाट बाहिर आइरहेको छ । यस्तो आर्थिक सङ्कटको बेलामा अपारदर्शी ढङ्गले संसद् छलेर यो निर्णय गर्नु स्वाभाविक होइन । त्यस कारण म सर्वप्रथम सभामुखमार्फत सरकारलाई माग गर्न चाहन्छु– यो विषयमा के भएको हो ? यथार्थ जानकारी सदनलाई गराइयोस् ।’

सांसद पौडेलले आर्थिक सङ्कटमा सरकारले अपारदर्शी ढङ्गले बजेट खर्च गर्न नमिल्ने पनि बताउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

अयाेग्य लडाकुलाई पैसा बाँड्ने निर्णयबारे संसद्लाई जानकारी गराइयाेस् : प्रदीप पाैडेल

फाइल फाेटाे

तपाईको प्रतिक्रिया