सरकार र महावीर पुनबीचको वार्ता सकारात्मक, आज बेलुकासम्म वार्ता टोली बनाउने समझदारी

वैशाख १७, २०८० आइतबार १४:२७:८ | उज्यालो सहकर्मी

काठमाण्डाै – सरकार र माइतीघरमा धर्ना बस्दै आएका राष्ट्रिय आविष्कार केन्द्रका संस्थापक महावीर पुनबीच आज आइतवार भएको छलफल सकारात्मक भएको छ । दुवै पक्षबीच सकेसम्म आज बेलुकासम्म वार्ता टोली गठन गर्ने र थप छलफल अगाडि बढाउने निर्णय भएको वैज्ञानिक पुनले जानकारी दिनुभएको छ ।

उपप्रधान एवम् रक्षामन्त्री पूर्णबहादुर खड्का, मुख्य सचिव शंकरदास वैरागी र महावीर पुनको टोलीबीच आज रक्षा मन्त्रालयमा छलफल भएको थियो । आफ्ना माग सरकारले भोलि साेमवारसम्ममा पूरा गर्ने प्रतिबद्धता जनाएको पनि पुनले बताउनुभयो । भोलिसम्ममा कागजमा कस्तो हुन्छ, त्यसलाई हेरेर थप निर्णय गर्ने पनि उहाँको भनाइ छ ।

वैज्ञानिक पुनले अनुसन्धान, नवप्रवर्तन र आविष्कारको क्षेत्रमा बजेट मागसहित अस्ति शुक्रवारदेखि माइतीघरमा धर्ना थाल्नुभएको हो । अनुसन्धान, नवप्रवर्तन र आविष्कारमा विकास बजेटको एक प्रतिशत रकम छुट्याउनुपर्ने लगायतका आफ्नो माग पूरा नभएपसम्म धर्ना कायम रहने उहाँको भनाइ छ । उहाँले अनुसन्धान, नवप्रवर्तन र आविष्कार कोष बनाउनुपर्ने तथा अर्थतन्त्र सुधार गरी युवा जनशक्ति विदेश पलायन हुनबाट रोक्न सरकारले सहज वातावरण सिर्जना गर्नुपर्नेलगायतका माग गर्नुभएको छ ।

माग पूरा गराउनका लागि सरकारलाई दबाब दिन माइतीघरमा धर्ना सुरु गरेका वैज्ञानिक पुनलाई युवा तथा विभिन्न राजनीतिक दल र सङ्घ–संस्थाले पनि साथ दिएका छन् ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्