दुर्गमभन्दा दुर्गम ठाउँमा पनि तत्काल स्वास्थ्यकर्मी पुर्‍याउँछु : स्वास्थ्यमन्त्री बस्नेत

वैशाख २१, २०८० बिहीबार १९:१०:३२ | उज्यालो सहकर्मी

काठमाण्डाै – नवनियुक्त स्वास्थ्य तथा जनसङ्ख्यामन्त्री मोहनबहादुर बस्नेतले दुर्गमभन्दा दुर्गम ठाउँमा पनि तत्काल स्वास्थ्यकर्मी पुर्‍याउने प्रतिबद्धता व्यक्त गर्नुभएको छ । पालिका, प्रदेश र सङ्घीय सरकारको समन्वयमा याे काम गर्ने उहाँकाे योजना छ ।

बिहीवार पदभार ग्रहण गरेपछि मन्त्रालयका आयोजित कार्यक्रममा बोल्दै मन्त्री बस्नेतले आफू कम सुतेर भए पनि मन्त्रालयको काममा खट्ने बताउनुभयो । स्वास्थ्य सेवाको प्रक्रियालाई सरलीकृत गर्दै लैजाने उहाँकाे भनाइ छ ।

उहाँले भन्नुभयो, ‘स्वास्थ्य सेवाको प्रक्रियालाई सरलीकृत गर्दै दुर्गमभन्दा दुर्गम ठाउँमा पनि स्वास्थ्यकर्मी पुर्‍याउँछाैँ । यसमा तीनै तहका सरकारसँग समन्वय गर्छाैँ । म चाहिँ कम सुते हुने मान्छे, बढी खट्न सक्ने मान्छे ।’

मन्त्री बस्नेतले एक हप्ताभित्र स्वास्थ्य सामग्रीकाे तथ्याङ्क दुरुस्त राख्न पनि सम्बन्धित निकायलाई निर्देशन दिनुभयो । स्वास्थ्य सामग्री धेरै खरिद भएको तर त्यो प्रयोगमा नआएकाले त्यसको हिसाब दुरुस्त राखी आवश्यक ठाउँमा पठाउनुपर्ने उहाँको भनाइ थियो । मन्त्री बस्नेतले सरकारले खरिद गरेको स्वास्थ्य सामग्री ठूलो मात्रामा भए पनि त्यसको सदुपयोग हुन नसकेको भन्दै आपत्ति जनाउनुभयो ।

मन्त्री बस्नेतले नागरिकको स्वास्थ्य अवस्थालाई ध्यानमा राखेर काममा खटिन स्वास्थ्यकर्मीलाई सचेत गराउनुभयो ।

अन्तिम अपडेट: मंसिर १२, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

दुर्गमभन्दा दुर्गम ठाउँमा पनि तत्काल स्वास्थ्यकर्मी पुर्‍याउँछु : स्वास्थ्यमन्त्री बस्नेत

फाइल फाेटाे

तपाईको प्रतिक्रिया