सम्झौताको १४ महिना बाँकी छँदै नुवाकोटको दोर्खुखोलामाथि पुल बन्यो

वैशाख २९, २०८० शुक्रबार ७:९:२ | रासस

नुवाकाेट - नुवाकोटको तादी गाउँपालिका–३ दोर्खुखोलामा पक्की पुल निर्माणकाे काम सम्झौताको १४ महिनाअगावै सम्पन्न भएको छ ।

तादीको खरानीटार र उर्लेनीको सीमा हुँदै बगेको दोर्खुखोलामा ४१ मिटर लम्बाइ र आठ दशमलव चार मिटर चौडाइको पक्की पुल निर्माण गरिएको हो ।

निर्माण थालेको छ महिनामै काम सम्पन्न भएको हो । पुल बनेपछि उर्लेनीको कृषि उपजलाई बजार पुर्याउन, स्थानीय बासिन्दालाई दैनिक उपभोग्यवस्तु खरिद बिक्री गर्न तथा सागरकुण्ड हुँदै गोसाइँकुण्डसम्म पुग्ने पदमार्ग बनाउन सजिलाे हुने भएकाे छ ।

विसं २०७९ साल असार ३० गते पूर्वाधार विकास कार्यालय र जयविष्णु निर्माण सेवाबीच २०८१ साल असार ३० गतेभित्र पुल निर्माण सम्पन्न गर्न सम्झौता भएको थियो । खरानीटारबाट वडा नं १ उर्लेनी जोड्न निर्माण गरिएको पक्की पुलको हिजो बाग्मती प्रदेशका मुख्यमन्त्री शालिकराम जम्कट्टेलले उद्घाटन गर्नु भएकाे हाे।

ठाडो खोला र पानीको बहावले साउन १ गतेदेखिको सट्टामा काम सुरु गर्न कात्तिक लागेको थियो । पुल निर्माणको काम सुरु भएको छ महिना नपुग्दै सम्पन्न गरेको जयविष्णु निर्माण सेवाका प्रोप्राइटर अनिल सिलवालले बताउनुभयो ।

उहाँका अनुसार २४ महिनामा पूरा गर्नुपर्ने काम जिम्मेवारी पाएको १० महिनामा नै सम्पन्न भयो । पुल निर्माण गर्न ठेक्का लगाएको पूर्वाधार विकास कार्यालयका प्रमुख वीरेन्द्र बज्राचार्यका अनुसार छ करोड ९९ लाख ३९ हजार रुपैयाँमा ठेक्का दिएको पुलको निर्माण व्यवसायीलाई पाँच करोड ६२ लाख रुपैयाँ भुक्तानी दिन बाँकी छ ।

जिल्लाकै विकट बस्तीका रूपमा रहेको उर्लेनीसम्म गाडी पुर्याउनका लागि दोर्खुखोलामा पुल बनाइएको हो । मुख्यमन्त्री जम्कट्टेलले सडक व्यवस्थित बनाउन आवश्यक बजेट उपलब्ध गराउने बताउनुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

Buddhi bastola
May 12, 2023, 12:18 p.m.
के गर्ने १०० मा १/२ वटा मात्र समयमा नै र समय भन्दा अगावै बनेको सुनिन्छ सबै कामहरु यसरीनै भई दिए देशलाई आर्थिक भार त कम हुन्थ्यो होला ...................?
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

सम्झौताको १४ महिना बाँकी छँदै नुवाकोटको दोर्खुखोलामाथि पुल बन्यो

तस्बिर : रासस

1 Comments

Buddhi bastola

तपाईको प्रतिक्रिया

तपाईको प्रतिक्रिया