खुम्बुमा पर्यटकको आगमन बढ्यो, सबै भन्दा बढी अमेरिकी

कात्तिक ७, २०७५ बुधबार १५:२६:५५ | सुवास दर्नाल

सोलुखुम्ब – सोलुखुम्बुको खुम्बु क्षेत्रमा विदेशी पर्यटकको चाप बढेको छ ।

पर्यटकीय सिजन सुरु भएसगै खुम्बु भित्रने पर्यटकको चाप वृद्धि भएको पर्यटक प्रहरी कार्यालय लुक्लाले जनाएको छ ।

असोज अन्तिम सातादेखि मंसिरसम्म सगरमाथा लगायतका अन्य हिम दृष्यावलोकनको लागि उपयुक्त मानिन्छ । प्रहरी सहायक निरीक्षक सरयुग महतोका अनुसार अक्टोबर १ देखि २३ सम्म १४ हजार २ सय ९२ जना विदेशी पर्यटक खुम्बु भित्रिएका छन् ।

जसमा सबैभन्दा बढी अमेरिकाका नागरिक रहेका छन् । यो समाचार तयार पार्दासम्म अमेरिकाबाट ५ सय ८१ पुरुष र ४ सय ४६ जना महिला गरी १ हजार २७ जना खुम्बु भित्रिएका छन् ।

त्यसै गरी सबैभन्दा कम बेलारुसका नागरिक रहेका छन् । बेलारुसबाट १ पुरुष र २ जना महिला गरी ३ जना रहेका छन् ।

अहिले दैनिक ६ सयभन्दा बढीको संख्यामा विदेशी पर्यटक खुम्बु भित्रिने गरेको पर्यटक प्रहरी कार्यलय लुक्लाको तथ्याँक देखाएको छ ।

सबैभन्दा धेरै अक्टोबर १ तारिख अर्थात असोज १९ गते ७ सय ७५ जना पर्यटक खुम्बु प्रवेश गरेको कार्यालयले जनाएको छ ।

पर्यटकहरु हवाइजहाजको माध्यमबाट आउने गर्दछन् भने त्यतिकै मात्रामा हेलिकप्टर चार्टर गरी आउने गरेको नागरिक उड्डयन कार्यालय लुक्लाले जनाएको छ ।

अहिले लुक्लामा दैनिक १२० भन्दा बढी उडान हुने गरेको नागरिक उड्डयन कार्यालय लुक्लाका प्रमुख योगेन्द्र कुँवरले बताउनुभयो ।

जसमा ४० देखि ५० सम्म जहाजले तथा ७० देखि ८० उडान हेलिकप्टरले गर्ने गरेको प्रमुख कुवँरकोे भनाई छ ।

अन्तिम अपडेट: मंसिर १५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुवास दर्नाल

उज्यालोका सोलुखुम्बु सहकर्मी सुवास दर्नाल हिमाल एफएममा पनि कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्