प्रधानमन्त्री प्रचण्ड आज इन्दोर जाँदै

जेठ १९, २०८० शुक्रबार ८:२६:३३ | उज्यालो सहकर्मी

काठमाण्डाै - भारत भ्रमणमा रहेका प्रधानमन्त्री पुष्पकमल दाहाल प्रचण्ड आज मध्यप्रदेशको इन्दोर जाने कार्यक्रम छ ।

उहाँ नयाँदिल्लीबाट दिउँसो एक बजे इन्दोर पुग्ने र होटल मेरियटमा बस्ने भ्रमण तालिकामा उल्लेख छ । साथै मध्य प्रदेशको उज्जैनमा महाकालेश्वरको मन्दिरमा पूजा गर्ने कार्यक्रम छ । उहाँले इन्दोरमा रहेको फोहर व्यवस्थापन प्लान्टको भ्रमण गर्ने पनि कार्यक्रम छ । आज बेलुका उहाँ मध्यप्रदेशका मुख्यमन्त्री शिवराजसिंह चौहानले आयोजना गर्ने रात्रिभोजमा सहभागी हुनुहुनेछ ।

प्रधानमन्त्री प्रचण्ड भोलि इन्दोरमा रहेको विशेष आर्थिक क्षेत्रको भ्रमण गरी नयाँदिल्ली फर्किने र त्यहाँबाट बेलुका स्वदेश आइपुग्ने कार्यक्रम छ । भारतको चारदिने भ्रमणका लागि प्रधानमन्त्री प्रचण्ड नेतृत्वको प्रतिनिधि मण्डल अस्ति बुधवार नयाँदिल्ली प्रस्थान गएको थियो ।

प्रधानमन्त्री प्रचण्डले हिजो समकक्षी नरेन्द्र मोदी, राष्ट्रपति द्रौपदी मूर्मु, उपराष्ट्रपति जगदीप धनखडलगायतसँग भेटवार्ता गर्नुभयो । हिजो नै नेपाल र भारतबीच विभिन्न सात वटा सम्झौता र समझदारी भएका छन् । प्रधानमन्त्री प्रचण्ड र भारतीय प्रधानमन्त्री मोदीको उपस्थितिमा नेपाल र भारतबीच विभिन्न ७ वटा विषयमा सम्झौता र समझदारी भएको हो ।

त्यस्तै, हिजो बेलुका प्रधानमन्त्री प्रचण्डले नेपाल उद्योग वाणिज्य महासङ्घ र भारतीय उद्योग परिसङ्घले गरेको समिटलाई सम्बोधन गर्दै नेपालमा लगानीका लागि आउन भारतीय व्यवसायीलाई आग्रह गर्नुभयो ।

अन्तिम अपडेट: मंसिर १३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

प्रधानमन्त्री प्रचण्ड आज इन्दोर जाँदै

तस्बिर : रासस

तपाईको प्रतिक्रिया