नक्कली शरणार्थी प्रकरण : थुनछेक बहस अर्को हप्तासम्मै चल्ने

जेठ २२, २०८० सोमबार ७:३२:४४ | उज्यालो सहकर्मी

काठमाण्डाै - नक्कली भुटानी शरणार्थी प्रकरणमा हिजोदेखि सुरु भएको थुनछेक बहस अर्को हप्तासम्मै चल्ने भएको छ ।

न्यायाधीश प्रेमप्रसाद न्यौपानेको इजलासमा सुरु भएको बहसको पहिलो दिन हिजो सरकारी वकिलका कार्यालयका दुई जना वकिलले मात्रै बहस गरेका छन् ।

पूर्व उपप्रधानमन्त्री टोपबहादुर रायमाझी, पूर्व गृहमन्त्री बालकृष्ण खाण, निलम्बित सचिव टेकनारायण पाण्डे, तत्कालीन गृहमन्त्री रामबहादुर थापाका सुरक्षा सल्लाहकार इन्द्रजित राईलगायतका अभियुक्तलाई अदालतमा उपस्थित गराएर सरकारी वकिलहरूले थुनछेक बहस गरेका हुन् । उनीहरुविरुद्ध सरकारी वकिलले आज र भोलिसम्म बहस गर्ने तयारी छ । त्यसपछि प्रतिवादीका वकिलले प्रतिरक्षा गर्नेछन् ।

खाणको तर्फबाट पूर्वमहान्यायाधीवक्ता खम्मबहादुर खाती तथा रायमाझीको तर्फबाट पूर्व महान्यायाधीवक्ता रमेश बडाल लगायतले प्रतिरक्षा बहस गर्ने तयारी गरेका छन् । अर्को हप्तासम्म थुनछेक बहस सकिएपछि पुर्पक्षका लागि थुनामा पठाउने कि नपठाउने भन्नेबारेमा निर्णय हुनेछ ।

अन्तिम अपडेट: मंसिर १४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

नक्कली शरणार्थी प्रकरण : थुनछेक बहस अर्को हप्तासम्मै चल्ने

प्रतीकात्मक तस्बिर

तपाईको प्रतिक्रिया